ధోనీ స్థానాన్ని భర్తీ చేయడం అంత ఈజీ కాదు: కేఎల్ రాహుల్

న్యూజిలాండ్ గడ్డపై మెరవడంతో..

ముఖ్యంగా న్యూజిలాండ్ పర్యటనలో అతని బ్యాటింగ్, కీపింగ్ అమోఘం. కొన్ని మ్యాచ్‌ల్లో అతని స్టంపౌట్‌లు ధోనీని తలపించాయి. ఓ ఫ్రోఫెషనల్ వికెట్ కీపర్ లేడనే లోటును తీర్చాయి. దీంతో రాహుల్‌నే కీపర్‌గా కొనసాగించాలనే డిమాండ్ వ్యక్తమైంది. కేవలం దేశవాళి, ఐపీఎల్‌లో మాత్రమే కీపింగ్ చేసే రాహుల్.. అంతర్జాతీయ వేదికపై కూడా అదరగొట్టడంతో అతనిపై భారీ అంచనాలు నెలకొన్నాయి. ధోనీ స్థానాన్ని జట్టులో భర్తీ చేసే సత్తా కేఎల్ రాహుల్‌కి మాత్రమే ఉందని కొందరు క్రికెట్ విశ్లేషకులు కూడా అభిప్రాయపడ్డారు.

ప్రేక్షకులు అనుకుంటేనే..

కానీ, ధోనీ స్థానాన్ని భర్తీ చేయడం సులభం కాదని స్టార్ స్పోర్ట్స్ క్రికెట్ కనెక్టెడ్ షోలో రాహుల్ చెప్పుకొచ్చాడు. ‘ప్రేక్షకుల సమూహం వల్ల భారత్ కోసం ఆడుతున్న ప్రతీసారి నాకు భయంగా ఉంటుంది. ఒక్కసారి తడబడితే.. ధోనీ స్థానాన్ని ఎప్పటికీ భర్తీ చేయలేమని అనుకుంటారు. ఎప్పుడూ ధోనీలా అడాలని కోరుకుంటారు. అయితే మహీలాంటి ఓ దిగ్గజ కీపర్ బ్యాట్స్‌మెన్‌ స్థానాన్ని భర్తీ చేయడం అంత సులభమైన విషయం కాదు. అతనికి ప్రత్నామ్నాయంగా ఇంకొకరిని ప్రేక్షకులు ఆహ్వానించేవరకు కష్టమే.' అని రాహుల్ అన్నాడు.

నాకు కీపింగ్ కొత్త కాదు..

ఇక భారత్‌ తరఫున 32 వన్డేలు, 42 టీ20లు ఆడిన కేఎల్ రాహుల్.. తనకు కీపింగ్ చేయడం ఏం కొత్త కాదన్నాడు. ఐపీఎల్‌లో దేశవాళీ క్రికెట్‌లో కర్ణాటక తరఫున కీపింగ్ చేస్తుంటానని గుర్తు చేశాడు. ‘క్రికెట్‌ను బాగా ఫాలో అయ్యేవారికి నేనో కీపర్‌ననే విషయం తెలిసే ఉంటుంది. ఐపీఎల్, దేశవాళీ క్రికెట్‌లో కర్ణాటక తరఫున ప్రతీసారి నేను కీపింగ్ చేస్తాను. వికెట్ కీపింగ్‌కు నాకు కొత్తకాదు. కానీ నాకంటే మెరుగైన ఆటగాడు.. జట్టు అవసరాలకు తగ్గట్టు ఆ స్థానానికి న్యాయం చేస్తే నాకెలాంటి అభ్యంతం లేదు.'అని కూడా రాహుల్ నొక్కి చెప్పాడు. ప్రస్తుత పరిస్థితిల్లో ధోనీ కెరీర్ ముగిసినట్టేనని ప్రచారం జరుగుతుంది. చాలా మంది మాజీ క్రికెటర్లు ఇదే అభిప్రాయాన్ని వ్యక్తం చేస్తున్నారు. ఈ నేపథ్యంలో ధోనీ ప్రత్యామ్నాయం ఎవరా? అనేదానిపై తీవ్ర చర్చ జరుగుతుంది.

ప్రధాని మోదీని ప్రశంసించిన పాక్ మాజీ పేసర్