టెస్ట్ల్లో కేఎల్ రాహులా?
అయితే కేఎల్ రాహుల్ను టెస్ట్ల్లోకి ఎంపికచేయడాన్ని మంజ్రేకర్ తప్పుబట్టాడు. ఐపీఎల్ ప్రదర్శనను చూసి టెస్ట్ జట్టులోకి తీసుకోవడం సబబు కాదని, రంజీ ఆటగాళ్లకు అన్యాయం చేసినట్టేనని సెలెక్టర్లను విమర్శించాడు. ‘ఐపీఎల్ ప్రదర్శనను పరిగణలోకి తీసుకోని ఓ ఆటగాడిని టెస్ట్ జట్టులోకి తీసుకొని కొత్త సంప్రదాయానికి తెరదీశారు. ముఖ్యంగా సదరు ఆటగాడు తన గత టెస్ట్ మ్యాచ్ల్లో దారుణంగా విఫలమయ్యాడు. కానీ అవేవి పట్టిచ్చుకోకుండా ఐపీఎల్ ఫామ్ కారణంగా అతనికి అవకాశం ఇచ్చారు. ఈ ఎంపిక రంజీ ఆటగాళ్లను డీమోటివేట్ చేసినట్లే.'అని మంజ్రేకర్ ట్వీట్ చేశాడు.
సంజయ్ వాగేదంతా చెత్త..
అయితే సంజయ్ మంజ్రేకర్ వ్యాఖ్యలను క్రిష్ శ్రీకాంత్ తప్పుబట్టాడు. అతను వాగిందంతా చెత్తని కొట్టిపారేశాడు. ‘మంజ్రేకర్ మాటలను పట్టించుకోవద్దు. అతన్ని వదిలేయ్యాలి. వివాదాలు సృష్టించడం తప్పా అతనికి మరో పనిలేదు. కేఎల్ రాహుల్ను టెస్ట్ల్లో ఎంపిక చేయడాన్ని ప్రశ్నిస్తున్నాడు. రాహుల్ టెస్ట్ల్లో అద్భుతంగా రాణించాడు. మంజ్రేకర్ వ్యాఖ్యలతో నేను ఏ మాత్రం ఏకభవించను. ఎందుకంటే అతను ఎప్పుడూ ఏదో ప్రశ్నిస్తూ వివాదాలు సృష్టించాలనుకుంటాడు. ఆల్ ఫార్మాట్లలో రాహుల్ సత్తా చాటగలడు. అతని టెస్ట్ రికార్డులే చెబుతాయి. సంజయ్ మాట్లాడిందంతా చెత్త. నేను ఎట్టి పరిస్థితుల్లో అంగీకరించను'అని క్రిష్ శ్రీకాంత్ తన యూట్యూబ్ చానెల్ వేదికగా చెప్పుకొచ్చాడు. ఇక 2014-15 ఆస్ట్రేలియా పర్యటనలోనే రాహుల్ అంతర్జాతీయ క్రికెట్లోకి అరంగేట్రం చేశాడు. ఓ సెంచరీ కూడా సాధించాడు.
టీ20ల్లో జడేజా ఎందుకు దండుగా..
టీ2 జట్టులోకి యువ స్పిన్నర్ అక్షర్ పటేల్ను కాదని రవీంద్ర జడేజాను ఎంపికచేయడం కూడా బాలేదని సంజయ్ మంజ్రేకర్ అభిప్రాయపడ్డాడు. ఓ అభిమాని 'టీ20లకు రవీంద్ర జడేజా పనికిరాడు. అతని స్థానంలో అక్షర్ పటేల్ తీసుకోవాల్సింది. మీరేమంటారు?'అని మంజ్రేకర్ను ట్విటర్ వేదికగా ప్రశ్నించాడు. దీనికి మంజ్రేకర్ సదరు అభిమాని వ్యాఖ్యలతో ఏకీభవిస్తున్నానని తెలిపాడు. జడేజాకు బదులు, అక్షర్ పటేల్ను తీసుకోవాల్సిందని తన మనసులోని మాటను చెప్పకనే చెప్పాడు. అయితే ఈ విషయంలో భిన్నాభిప్రాయాలు వ్యక్తమయ్యాయి. కొందరూ జడేజానే సరైనవాడంటే మరికొందరూ అక్షర్కు అవకాశం ఇవ్వాల్సిందని అభిప్రాయపడ్డారు.
అతని ఆటను చూసి అవాక్కయ్యా.. ఔట్ ఆఫ్ సిలబస్లా అనిపించింది: రికీ పాంటింగ్