ఎప్పుడూ కోపంగా ఉండేవాడు..
‘ఇంగ్లండ్తో టెస్ట్ మ్యాచ్ సందర్బంగా ఈవ్నింగ్ బ్రేక్ను టీవిరామం అనేవారు. కానీ వెంకటరాఘవన్ మాత్రం అది టీ బ్రేక్ ఒక్కటే ఎందుకైతది. కాఫీ బ్రేక్ కాదా? అని వాదించేవాడు. అతని మనస్థత్వం అలా ఉండేది. అతన్ని చూసి నేను చాలా భయపడేవాడిని. ఎందుకంటే అతనెప్పుడు ఇంగ్లీష్లో మాట్లాడేవాడు. అలాగే వెంకటరాఘవన్ కోపం గురించి మాకు బాగా తెలుసు. చివరకు అతను అంపైర్గా ఉన్నప్పుడు నాటౌట్ ఇచ్చే విధానం బౌలర్ను తిడుతున్నట్లు ఉండేది.
నాపై అరిచేవాడు..
1979లో నేను ఇంగ్లండ్ వెళ్లినప్పుడు అతనే కెప్టెన్. ఎప్పుడూ అతని కంటబడని సీటును వెతుక్కునేవాడిని. నాతో బేడీ, ప్రసన్న, చంద్ర శేఖర్ బాగుండేవారు. వారు కూడా అతనితో ఎక్కువగా మాట్లాడేవారు కాదు. మాములుగానే నన్ను చూసినప్పుడల్లా ఆగ్రహం వ్యక్తం చేసేవాడు. ఇక బ్రేక్ ఫాస్ట్ సమయంలో వెంకటరాఘవన్ కనబడకుండా ఓ మూలన కూర్చొని తినేవాడిని. ఎందుకంటే నేను కొంచెం ఎక్కువగా తినేవాడిని. అతను చూస్తే ఎప్పుడూ తినడమేనా అని తిడుతాడని అలా చేసేవాడిని.'అని కపిల్ గుర్తు చేసుకున్నాడు.
కెప్టెన్ నేనా? అతనా?
ఇక 1983 వెస్టిండీస్ పర్యటనలో తన సారథ్యంలో వెంకటరాఘవన్ ఆడాడని కపిల్ తెలిపాడు. ఇక ఆ టూర్లో బార్బాడోస్ వేదికగా జరిగిన టెస్ట్లో అతని తీరు చూసి కెప్టెన్ ఎవరనే సందేహం కలిగిందన్నాడు.
‘బార్బాడస్ వేదికగా జరిగిన టెస్ట్లో వెంకటరాఘవనతో జరిగిన సంఘటన నాకింకా గుర్తుంది. ఆ వికెట్ కొంచెం బౌన్సీకి సహకరిస్తుండటంతో పేసర్లను ఎక్కువగా ఉపయోగించాలనే ఉద్దేశంతో నేను మొదట స్పిన్నర్లను బరిలోకి దింపాను. అయితే ఆఫ్ స్పిన్నర్ అయిన వెంకటరాఘవన్ను కాకుండా రవిశాస్త్రికి బంతినిచ్చాను. దీంతో స్లిప్లో ఉన్న వెంకటరాఘవన్ నా దగ్గరకు వచ్చి.. కపిల్ అని పిలిచాడు. నేను చెప్పు వెంకీ అన్నా.( అప్పటికీ వెంకీ అని సంభోదించే చనువు ఏర్పడింది. కానీ అంతకుముందు సర్ అనే పిలిచేవాడిని.)
నేనమన్నా బౌలింగ్ చేయనన్నానా? అని ప్రశ్నించాడు. దాంతో అసలు కెప్టెన్ అతనా? లేక నేనా? అనే విషయం అర్థం కాలేదు. ‘వెంకీ నీవు బౌలింగ్ చేసే టైమ్ కూడా వస్తుంది.'అని చెప్పా. అయినా అతను నాపై నోరుపారేసుకున్నాడు. నేను కెప్టెన్ అయినా తిట్టేవాడు.'అని కపిల్ గుర్తు చేసుకున్నాుడు.
అంపైర్గా కూడా..
ఎప్పుడు కోపంగా ఉన్నట్లు కనిపించే వెంకట రాఘవన్ సారథ్యంలో కపిల్ నాలుగు టెస్ట్లు, మూడు వన్డేలు ఆడాడు. ఇక రిటైర్మెంట్ తర్వాత వెంకట రాఘవన్ అంపైర్గా కూడా సేవలందించాడు. 1983లో అంతర్జాతీయ క్రికెట్కు వీడ్కోలు పలికిన వెంకటరాఘవన్ భారత్ తరఫున 57 టెస్ట్లు, 15 వన్డేలు ఆడాడు. టెస్ట్ల్లో 156, వన్డేల్లో 5 వికెట్లు పడగొట్టాడు.
ధోనీ, పాంటింగ్, రోహిత్ సక్సెస్ సీక్రెట్ అదే: ఆస్ట్రేలియా మాజీ క్రికెటర్