Click it and Unblock the Notifications
కార్తీక్‌కు అగ్ని పరీక్ష
ఈ మ్యాచ్ దినేశ్ కార్తీక్ కెప్టెన్సీకి ఇజ్జత్‌కే సవాల్‌గా మారింది. లీగ్‌లో రెండు గెలిచి మరో రెండు ఓడిన కేకేఆర్.. ఢిల్లీతో జరిగిన గత మ్యాచ్‌లో తృటిలో విజయాన్ని చేజార్చుకుంది. ఈ నాలుగు మ్యాచ్‌లో దినేశ్ కార్తీక్ విఫలమయ్యాడు. అంతేకాకుండా కెప్టెన్‌గా అతని నిర్ణయాలు కూడా వివాదాస్పదమయ్యాయి. వరల్డ్ కప్ విన్నింగ్ కెప్టెన్, ఇంగ్లండ్ క్రికెటర్ ఇయా మోర్గాన్ టీమ్‌లో ఉన్నా.. కేకేఆర్ మేనేజ్‌మెంట్ కార్తీక్‌పైనే నమ్మకం ఉంచింది. కానీ దాన్ని కాపాడుకోవడంలో డీకే విఫలమవుతూనే ఉన్నాడు. టాప్ క్లాస్ ప్లేయర్లను సరిగ్గా యూజ్ చేసుకోలేకపోతున్నాడు. మరోవైపు కేకేఆర్ అభిమానులు కూడా మోర్గాన్‌కు సారథ్య బాధ్యతలు ఇవ్వాలని డిమాండ్ చేస్తున్నారు. దీంతో నేటి మ్యాచ్ డీకేకి అగ్ని పరీక్షగా మారింది.
శుభ్‌మన్ గిల్, ఇయాన్ మోర్గాన్, నితీష్ రాణా, రాహుల్ త్రిపాఠి ఫామ్‌లో ఉన్నారు. డేకే తన స్థాయికి తగ్గ ప్రదర్శన కనబర్చాల్సి ఉంది. విధ్వంసకర వీరుడు ఆండ్రీ రస్సెల్ భారీ ఇన్నింగ్స్ బాకీ ఉన్నాడు. వీరు రాణిస్తే కేకేఆర్ బ్యాటింగ్‌కు తిరుగుండదు. గత నాలుగు మ్యాచ్‌లో విఫలమైన సునీల్ నరైన్‌‌ను పక్కన పెట్టవచ్చు. అతని స్థానంలో ఇంగ్లండ్ క్రికెటర్ టామ్ బాంటన్‌ను తీసుకోవచ్చు. ఇక కమిన్స్, నాగర్ కోటి, శివమ్ మావి, వరుణ్‌లతో బౌలింగ్ విభాగం పటిష్టంగా ఉంది.
ఉత్సాహంగా చెన్నై..
హ్యాట్రిక్ ఓటముల తర్వాత చెన్నై గాడిలో పడింది. షేన్ వాట్సన్ ఫామ్‌లోకి రావడం అతిపెద్ద సానుకూలాంశం. ఫాఫ్ డుప్లెసిస్ మంచి టచ్‌లో ఉండగా.. రాయుడు కూడా కుదురుకుంటే తిరుగుండదు. డ్వేన్ బ్రావో, రవీంద్ర జడేజా, సామ్ కరన్ చెలరేగితే నైట్‌రైడర్స్‌కు కష్టాలు తప్పవు. ఫినిషర్‌గా ధోనీ తన మార్క్ చూపితే.. సీఎస్‌కే‌కు తిరుగుండదు. బౌలింగ్‌లోనూ చెన్నైకి పెద్దగా సమస్యల్లేవు. జట్టులో ఎలాంటి మార్పులు ఉండకపోవచ్చు. పంజాబ్‌తో మ్యాచ్ అనంతరం డుప్లెసిస్ మొకాలికి ఐస్ ప్యాక్ పెట్టుకున్నా.. మ్యాచ్‌కు దూరమయ్యేంత గాయమైతే కాదు.
తుది జట్లు:
కోల్‌కతా నైట్‌రైడర్స్: సునీల్ నరైన్, శుబ్‌మన్ గిల్, నితీష్ రాణా, దినేశ్ కార్తీక్ (కెప్టెన్, కీపర్), ఇయాన్ మోర్గాన్, ఆండ్రీ రస్సెల్, రాహుల్ త్రిపాఠి, పాట్ కమిన్స్, కమలేష్ నాగర్‌కోటి, శివం మావి, వరుణ్ చక్రవర్తి
చెన్నై సూపర్ కింగ్స్: షేన్ వాట్సన్, ఫాఫ్ డూప్లెసిస్, అంబటి రాయుడు, కేదార్ జాదవ్, ఎంఎస్ ధోనీ(కెప్టెన్, కీపర్), రవీంద్ర జడేజా, డ్వేన్ బ్రావో, సామ్ కరన్, శార్దుల్ ఠాకుర్, దీపక్ చాహర్, పియూష్ చావ్లా
పిచ్ రిపోర్ట్:
బ్యాటింగ్, బౌలింగ్ అనుకూలంగా ఉండే వికెట్. టాస్ గెలిచిన జట్టు బ్యాటింగ్ ఎంచుకోవచ్చు. ఈ మైదానంలో ఇప్పటివరకు జరిగిన మ్యాచ్‌ల్లో తొలుత బ్యాటింగ్ చేసిన జట్లే గెలిచాయి. రాత్రి 7.30 గంటలకు ఈ మ్యాచ్ ప్రారంభం కానుండగా.. స్టార్ స్పోర్ట్స్ చానెల్స్‌, డిస్నీ హాట్‌స్టార్‌‌లో ప్రత్యక్ష ప్రసారం కానుంది.
ముఖాముఖి..
ఐపీఎల్ చరిత్రలో ఇరు జట్లు ఇప్పటి వరకు 20 సార్లు తలపడగా 13-7తో చెన్నై లీడ్‌లో ఉంది. ఇదే ఆధిపత్యాన్ని కొనసాగించాలని సీఎస్‌కే భావిస్తుండగా.. లెక్క సరిచేయాలనే పట్టుదలతో కేకేఆర్ ఉంది. గత సీజన్‌లో ఇరు జట్ల మధ్య జరిగిన రెండు మ్యాచ్‌ల్లో చెన్నైనే విజయం వరించింది.
ఏందీ ఈ పొట్ట.. పృథ్వీ షాను ఆటపట్టించిన విరాట్ కోహ్లీ!
