|
ఇంతకేం జరిగిందంటే..
పీఎస్ఎల్-2020 సీజన్లో భాగంగా క్వెట్టా గ్లాడియేటర్స్తో గురువారం జరిగిన లీగ్ మ్యాచ్లో పెష్వార్ జల్మీ తరఫున బరిలోకి దిగిన కమ్రాన్ అక్మల్ సునాయస క్యాచ్ను వదిలేశాడు. క్వెట్టా గ్లాడియేటర్స్ 10 బంతుల్లో 50 పరుగులు చేయాల్సి ఉండగా.. హసన్ అలీ వేసిన 14 ఓవర్ మూడో బంతిని సోహైల్ ఖాన్ భారీ షాట్కు ప్రయత్నించగా.. బంతి వికెట్ల వెనుకాలకు గాల్లోకి లేచింది. కొంచెం వెనక్కు పరుగెత్తిన కీపర్ అక్మల్ క్యాచ్ పట్టేశారనుకున్నారు అందరూ.. కానీ అతను సునాయస క్యాచ్ వదిలేయడంతో అంతా అవాక్కయ్యారు. కామెంటేటర్స్ అయితే అసలు అక్మల్ ఏం చేస్తున్నాడని ప్రశ్నించారు.
ఆడకుండా ఫైనల్ చేరడం కంటే.. ఓడిపోవడమే మంచిది: సౌతాఫ్రికా కెప్టెన్
|
నువ్వేం కీపర్ సామి..
చాలా సులువైన క్యాచ్ గ్లౌవ్స్ సాయంతో పట్టలేకపోయిన నువ్వేం కీపర్ అంటూ నెటిజన్లు మండిపడుతున్నారు. అసలు ఇతన్ని కీపర్గా ఎలా ఎంపిక చేశారని ప్రశ్నిస్తున్నారు. ప్రపంచంలోనే అత్యంత చెత్త కీపరని కామెంట్ చేస్తున్నారు. ఏ ఫర్ అక్మల్.. డీ ఫర్ డ్రాప్ అంటూ వ్యంగ్యాస్త్రాలు సంధిస్తున్నారు.
పెష్వార్ జల్మీ విజయం..
ఇక ఈ మ్యాచ్లో టాస్ ఓడి తొలుత బ్యాటింగ్ చేసిన పెష్వార్ జల్మీ నిర్ణీత 15 ఓవర్లలో 6 వికెట్లకు 170 పరుగులు చేసింది. షోయబ్ మాలిక్ (54) హాఫ్ సెంచరీతో రాణించగా.. హైదర్ అలీ(39) పర్వాలేదనిపించాడు. అనంతరం ఛేజింగ్కు దిగిన క్వెట్టా గ్లాడియేటర్స్ 15 ఓవర్లలో 7 వికెట్లకు 140 పరుగులు చేసి ఓటమిపాలైంది.