కష్టమైనా.. సింధు అలవాటు చేసుకోవాలి : గోపి చంద్

కష్టమైనా తప్పదు...

‘బిజీ షెడ్యూల్‌ వల్ల ఆటగాళ్లు ఇబ్బంది పడుతున్నారనేది వాస్తవం. ప్రపంచ వ్యాప్తంగా ఆటగాళ్లు ఈ సమస్య ను ఎదుర్కొంటున్నారు. ఒక టాప్‌లెవెల్ షట్లర్‌గా ఈ షెడ్యూల్‌కు అలవాటు పడటం సింధు బాధ్యత. ఈ పరిస్థితికి ఆమె అలవాటు పడాలి.

ఒలింపిక్స్ మెడల్ ఖాయం..

ఒలింపిక్స్‌ ముందు సింధు తన పొరపాట్లను సరిదిద్దుకునే పనిలో ఉంది. త్వరలోనే మా బలహీనతలపు అధిగమిస్తాం. కోచ్‌ తు సంగ్‌ పార్క్, ట్రెయినర్‌ శ్రీకాంత్‌లతో కూడిన మా టీమ్‌ దానిపైనే పని చేస్తోంది. సింధు కచ్చితంగా ‘టోక్యో'లో పతకం సాధిస్తుంది. మంచి ప్రిపరేషన్‌తో సింధు బరిలోకి దిగుతుంది. ఒలింపిక్స్‌కు ముందు ఇంకా ఏడు టోర్నీలున్నాయి. సైనా, శ్రీకాంత్‌ ఒలింపిక్స్‌ అర్హతకు సరిహద్దుల్లో ఉన్నారు. రాబోయే టోర్నీల్లో వారు రాణించాలి.

యువ భారత్‌ హ్యాట్రిక్‌... న్యూజిలాండ్ చిత్తు

తర్వాతి తరాల కోసం..

బ్యాడ్మింటన్‌లో రాణించాలంటే ఒక పక్కా ప్రణాళికతో కూడిన సిస్టమ్ కావాలి. నేను తరుచూ చెబుతుంది అదే. ఇక్కడికి వచ్చిన విదేశీ కోచ్‌లు కూడా ఇదే కోరుకుంటున్నారు. ఆటగాళ్ల అభివృద్ధి కోసం ప్రత్యేక వ్యవస్థ ఉండాలి. తర్వాతి తరాల కోసం ఇప్పటి వరకు మనం పెద్దగా పెట్టుబడి పెట్టింది లేదు. కానీ యువ క్రీడాకారులు అంతర్జాతీయ ప్లేయర్లుగా ఎదగాలంటే వారికి మంచి అవకాశాలు, సదుపాయాలు కల్పించాలి. ప్రస్తుతం జూనియర్‌ స్థాయిలో చాలా మంది క్రీడాకారులు మెరుగ్గా రాణిస్తున్నారు. 15-19 వయో విభాగంలో అద్భుత ఫలితాలు సాధిస్తున్నారు. వీరంతా భవిష్యత్‌లో గొప్ప గొప్ప విజయాలు సాధిస్తారనడంలో సందేహం లేదు.