89 vs 63 : నేను సాధించాను... మీరు కూడా సాధించగలరు అంటున్న సానియా!

హైదరాబాద్ : భారత టెన్నిస్ స్టార్ సానియా మీర్జా సుదీర్ఘ విరామం తర్వాత ఇటీవలే రీఎంట్రీ ఇచ్చిన విషయం తెలిసిందే. పునరాగమనంలో ఆడిన తొలి టోర్నీ హోబర్ట్ ఇంటర్నేషనల్‌లో డబుల్స్ టైటిల్ నెగ్గి తనలో సత్తా ఏమాత్రం తగ్గలేదని నిరూపించింది. ఈ విజయానందంతో ఈ సీజన్ తొలిగ్రాండ్ స్లామ్ టోర్నీ ఆస్ట్రేలియా ఓపెన్‌ బరిలోకి దిగిన హైదరాబాద్ స్టార్ అనూహ్యంగా గాయపడి అర్ధాంతరంగా వైదొలిగిన విషయం తెలిసిందే.

భళా.. బంగ్లా కెప్టెన్.. అక్క చనిపోయిన బాధను దిగమింగి జట్టును గెలిపించాడు

అయితే రెండేళ్ల సుదీర్ఘ విరామం తర్వాత రీ ఎంట్రీ కోసం సానియా తీవ్ర కసరత్తులు చేసింది. ఫిట్‌నెస్ కోసం జిమ్‌లో అహర్నీషులు కష్టపడింది. ఎంతలా అంటే కేవలం నాలుగు నెలల్లో 26 కిలోల బరువు తగ్గెంత కసరత్తులు చేసింది. ఈ విషయాన్ని సానియానే సోమవారం ఇన్‌స్టాగ్రామ్ వేదికగా తెలిపింది.

'89 కేజీలు vs 63 కేజీలు.. మనందరికీ లక్ష్యాలంటాయి. ఇందులో రోజువారీ గోల్స్, లాంగ్‌ టర్మ్ లక్ష్యాలు ఉంటాయి. వాటిలో ప్రతీది సాధించి గర్వపడండి. నా లక్ష్యాన్ని సాధించడానికి నాకు నాలుగు నెలల సమయం పట్టింది. బిడ్డకు జన్మనిచ్చిన తర్వాత ఫిట్‌ అవ్వడానికి నాకు ఈ సమయం పట్టింది. పూర్వపు ఫిట్‌నెస్ సాధించడానికి, పునరాగమనంతో అత్యున్నత స్థాయిలో పోటీపడటానికి చాలా సమయం తీసుకున్నట్లు అనిపించింది. మీరు మీ కలలను అనుసరించండి. ఎవరి మాట వినవద్దు. నేను చేశాను.. మీరు చేయగలరు'అనే స్పూర్తిదాయకమైన క్యాప్షన్‌తో తన బరువు తగ్గక ముందు, తగ్గిన తరువాతి ఫోటోలను జత చేసింది.

View this post on Instagram

89 kilos vs 63 🙃 we all have goals.. everyday goals and long term goals .. take pride in each one of those .. it took me 4 months to achieve this goal of mine, to get back to being healthy and fit after having a baby .. feels like such a long way.to come back and regain fitness and being able to compete at the highest level again .. Follow your dreams.No matter how many ppl tell you , you can’t 😉 cause God knows how many of those we have around us 🙄😅If I can then anyone can 🙏🏽 #believe #mummahustles

A post shared by Sania Mirza (@mirzasaniar) on Feb 9, 2020 at 11:39pm PST

బంగ్లా ఆటగాళ్లతో ఎప్పుడూ ఇదే సమస్య.. అప్పుడు నాగినీ.. ఇప్పుడు బాహాబాహీ

ప్రస్తుతం ఈ పోస్ట్ నెట్టింట హల్‌చల్ చేస్తోంది. కేవలం రెండు గంటల్లో లక్షకు పైగా లైక్‌లను సొంతం చేసుకుంది. మోకాలి గాయం, తల్లి కావడం వంటి కారణాల వల్ల సానియా 89 కిలోల బరువు పెరిగింది. ఆ తరువాత ఫిట్‌నెస్‌ సాధనే లక్ష్యంగా శ్రమించి మళ్లీ ఆమె 63 కిలోల బరువు తగ్గింది. 26 కిలోల బరువును ఆమె కేవలం నాలుగు నెలల్లోనే తగ్గటం విశేషం. ఏప్రిల్ 2018లో ఓ పండంటి బిడ్డకు జన్మనిచ్చిన సానియా ఇటీవలే తన సెకండ్ ఇన్నింగ్స్‌ను మొదలుపెట్టింది.