Pro Kabaddi League: నేటి నుంచే కబడ్డీ కబడ్డీ.. మన తెలుగు టైటాన్స్ పూర్తి షెడ్యూల్ ఇదే!

Pro Kabaddi League starts today, Telugu Titans full squad and schedule for Season 9

హైదరాబాద్: ఎంతగానో ఎదురు చూస్తున్న కబడ్డీ కూతకు సమయం ఆసన్నమైంది. మరికొద్ది సేపట్లో ప్రోకబడ్డీ లీగ్ సీజన్ 9కు తెరలేవనుంది. డిఫెండింగ్ చాంపియన్ దబాంగ్ ఢిల్లీ, యు ముంబా మధ్య జరిగే మ్యాచ్‌తో ఈ సంప్రదాయం క్రీడా లీగ్ మొదలవ్వనుంది. నవంబర్ 8 వరకు మొత్తం నెల రోజుల పాటు జరిగే ఈ టోర్నీ కబడ్డీ అభిమానులను అలరించనుంది. బెంగళూరు, పూణే, హైదరాబాద్ వేదికలుగా ఈ టోర్నీ మ్యాచ్‌లు జరగనున్నాయి.

తెలుగు టైటాన్స్, యు ముంబా, దబాంగ్ ఢిల్లీ, జైపూర్ పింక్ ఫాంథర్స్, యూపీ యోధాస్, హర్యానా స్టీలర్స్, పూణేరి ఫల్టాన్, తమిళ్ తలైవాస్, గుజరాత్ జెయింట్స్, బెంగాళ్ వారియర్స్, బెంగళూరు బుల్స్, పాట్నా పైరెట్స్ మొత్తం 12 జట్లు ఈసారి టైటిల్ కోసం పోరుకు సిద్ధమయ్యాయి.

దబాంగ్ ఢిల్లీతో..

మొదటి రోజు మూడు మ్యాచ్ లు జరగనున్నాయి. ఫస్ట్ మ్యాచ్ లో గత ఏడాది టైటిల్ విన్నర్ దబాంగ్ ఢిల్లీతో యు ముంబా తలపడనున్నది తెలుగు టైటాన్స్ తన తొలి మ్యాచ్‌లో బెంగళూరు బూల్స్‌తో, జైపూర్ పింక్ ఫాంథర్స్, యూపీ యోధాస్ మధ్య మరో మ్యాచ్ జరుగనుంది. తొలి సీజన్ నుంచి ఆడుతున్నా తెలుగు టైటాన్స్ ఇప్పటి వరకు ఒక్కసారి కూడా చాంపియన్ గా నిలువలేకపోయింది. సీజన్ 2, 4 సీజన్లలో నాకౌట్ దశకు చేరుకున్నా.. కీలకమైన పోరుల్లో ఓడిపోయి నిరాశ పరిచింది.

టైటిలే లక్ష్యంగా..

ఇక ఈ ఏడాది ఆరంభంలో జరిగిన సీజన్ లో పూర్తిగా నిరాశ పరిచింది. పాయింట్ల పట్టికలో అట్టడుగు స్థానంలో నిలిచింది. అయితే ఈ సీజన్ కోసం జట్టులో చాలా మార్పులు జరిగాయి. గత సీజన్ నుంచి పాఠాలను నేర్చుకుని ఈసారి అద్బుత ఆటతీరుతో తెలుగు ఫ్యాన్స్ ను అలరిస్తామని తెలుగు టైటాన్స్ మేనేజ్ మెంట్ కూడా పేర్కొంది. తెలుగు టైటాన్స్ తన తొలి పోరును అక్టోబర్ 7న (శుక్రవారం) బెంగళూరు బుల్స్ తో తలపడనుంది. ఈ మ్యాచ్ రాత్రి 8.30 గంటలకు ఆరంభం కానుంది. స్టార్ స్పోర్ట్స్ నెట్ వర్క్ తో పాటు డిస్నీ ప్లస్ హాట్ స్టార్ ఈ మ్యాచ్ లను ప్రత్యక్ష ప్రసారం చేయనున్నాయి.