మెస్సీకి తీరని ఆవేదన... రొనాల్డోకి బాధను మిగిల్చిన రష్యా వరల్డ్ కప్

2006 నుంచి అలుపెరగని పోరాటం

2006 ప్రపంచకప్‌ నుంచి మెస్సీ, రొనాల్డోలు వరల్డ్‌కప్‌ కోసం అలుపెరగని పోరాటం చేస్తున్నారు. 2006లో అర్జెంటీనా క్వార్టర్స్‌లో వెనుదిరగగా.. పోర్చుగల్ సెమీ ఫైనల్స్‌లో ఇంటిదారి పట్టింది. జర్మనీ వేదికగా జరిగిన ఈ వరల్డ్ కప్‌లో ఇద్దరూ చెరొక గోల్ మాత్రమే చేశారు.

నాకౌట్ దశలో నిష్క్రమించిన పోర్చుగల్

2010లో జరిగిన ఈ వరల్డ్‌కప్‌‌లో అర్జెంటీనా క్వార్టర్స్‌లో వెనుదిరగగా.. పోర్చుగల్ నాకౌట్ దశలోనే నిష్క్రమించింది. దక్షిణాఫ్రికా వేదికగా ఈ వరల్డ్ కప్‌లో రొనాల్డో ఒక ఒక్క గోల్‌ చేయగా లియోనల్ మెస్సీ కనీసం ఖాతా కూడా తెరవలేదు.

2014లో ఫైనల్‌కు చేరిన అర్జెంటీనా

2014‌లో అర్జెంటీనా అద్భుత ప్రదర్శన చేసింది. ఆ టోర్నీలో అద్భుతంగా రాణించిన మెస్సీ మొత్తం 4 గోల్స్‌ చేశాడు. దీంతో జర్మనీతో జరిగిన ఫైనల్లో అర్జెంటీనాదే కప్‌ అని అంతా భావించారు. బ్రెజిల్‌లోని రియో డి జనీరో వేదికగా జరిగిన ఈ వరల్డ్ కప్ ఫైనల్లో జర్మనీ విజయం సాధించింది. ఇక, పోర్చుగల్ గ్రూప్ దశలోనే ఇంటిదారి పట్టింది.

మెస్సీతో పోలిస్తే క్రిస్టియానో రొనాల్డో అద్భుత ప్రదర్శన

2018లో రష్యా వేదికగా జరిగిన వరల్డ్ కప్‌లో మెస్సీతో పోలిస్తే క్రిస్టియానో రొనాల్డో అద్భుతంగా రాణించాడు. తొలి మ్యాచ్‌లో హ్యాట్రిక్ గోల్స్ చేసిన రొనాల్డో ఆ తర్వాత గ్రూప్‌ దశలోనూ మరో గోల్‌ కొట్టి పోర్చుగల్‌ను నాకౌట్‌కు చేర్చాడు. అయితే, కీలకమైన ఉరుగ్వేతో జరిగిన మ్యాచ్‌లో ఫెయిలయ్యాడు. మరోవైపు మెస్సీ కూడా తొలి రెండు మ్యాచ్‌ల్లో విఫలమైనా.. నాకౌట్‌ అర్హత సాధించాలంటే తప్పక గెలవాల్సిన మ్యాచ్‌లో గోల్ చేసి.. అర్జెంటీనాను గెలిపించాడు. నాకౌట్‌లో ఫ్రాన్స్‌తో మ్యాచ్‌లో ఒక గోల్‌ కూడా నమోదు చేయలేదు.