తరానికి ఒకడు:
తాజాగా యువరాజ్ మాట్లాడుతూ... 'బుమ్రా ఒక క్లాస్ బౌలర్. అతనికి ఒక ప్రత్యేక శైలి ఉంది. అలాంటి బౌలర్ తరానికి ఒకడు ఉంటారు. 2013లో మొహాలిలోని పీసీఏ స్టేడియంలో గుజరాత్తో జరిగిన రంజీ ట్రోఫీలో అతడిని మొదటిసారి ఎదుర్కొన్నా. బుమ్రా వేసిన నాలుగు ఓవర్లు ఆడాను. అతడు టెస్టుల్లో టీమిండియా మ్యాచ్ విన్నర్ అవుతాడని అప్పుడే అనుకున్నా' అని యువరాజ్ తెలిపాడు.
అత్యుత్తమ బౌలర్లలో ఒకడు:
'ప్రత్యేక బౌలింగ్ శైలి ఉన్న బుమ్రా టెస్టుల్లో రాణించగలడా? అని చాలామంది అనుమానాలు వ్యక్తం చేశారు. కానీ మూడేళ్లుగా అన్ని ఫార్మాట్లలో అద్భుత ప్రదర్శనలతో విమర్శకులకు సమాధానం చెప్పాడు. ప్రస్తుతం అతడు అత్యుత్తమ బౌలర్లలో ఒకడు. విండీస్ పర్యటనలో బుమ్రా అద్భుత ప్రదర్శన చూసి మతిపోయింది' అని యువీ పేర్కొన్నాడు. బుమ్రా కేవలం 12 టెస్టుల్లో 61 వికెట్లు పడగొట్టాడు. బుమ్రా ఇప్పటివరకు ఆడిన ప్రతి విదేశీ పర్యటనలో 5 వికెట్లు పడగొట్టాడు. బుమ్రా 2018లో దక్షిణాఫ్రికాపై అరంగేట్రం చేసాడు.
ఎంతోమంది అమ్మాయిలకు మిథాలీ రాజ్ స్ఫూర్తి: పుజారా
https://telugu.mykhel.com/cricket/mithali-raj-retirement-you-are-an-inspiration-for-tons-of-girls-says-cheteshwar-pujara-023235.html
చెత్త మాటలు మాట్లాడకూడదు:
బుమ్రా బౌలింగ్ శైలిని తప్పుపడుతున్న వారికి సునీల్ గవాస్కర్ కూడా గట్టి సమాధానమిచ్చాడు. 'బుమ్రా బౌలింగ్ శైలి ప్రత్యేకమైనది. ఒక్కసారి అతడి రనప్ చూస్తే.. కొన్ని అడుగులు వేశాక వేగంగా వెళ్లి బంతిని వేస్తున్నాడు. ఈ సమయంలో బుమ్రా భుజం నేరుగా ఉంటోంది. నిబంధనల ప్రకారమే అతడు బౌలింగ్ వేస్తున్నాడు. అతడి శైలి బౌలింగ్ నియమాలకు లోబడి ఉంటుంది. నిజంగా కొంతమంది దీన్ని అద్దంలో చూడాలి. విమర్శకులు అదేపనిగా చెత్త మాటలు మాట్లాడకూడదు' అని గవాస్కర్ స్పందించాడు.