విరాట్ కోహ్లీ క్రికెట్‌లో క్రిస్టియానో రొనాల్డో: లారా ప్రశంసల వర్షం

ఏ తరానికి చెందిన గొప్ప జట్లలోనైనా

1970ల నాటి క్లైవ్‌ లాయిడ్‌, 1948ల నాటి బ్రాడ్‌మన్‌ జట్టు.. ఇలా ఏ తరానికి చెందిన గొప్ప జట్లలోనైనా కోహ్లీకి స్థానం ఉంటుందని లారా చెప్పాడు. "కోహ్లీ శారీరక దృఢత్వం, మానసిక బలం నమ్మశక్యం కావు. అతడి బ్యాటింగ్‌ నైపుణ్యం అసమానం. ఏ తరానికి చెందిన జట్టులోనైనా అతడికి చోటు ఉంటుంది. అన్ని ఫార్మాట్లలో 50కి పైగా సగటు నమోదు చేయడం మాములు విషయం కాదు" అని లారా పేర్కొన్నాడు.

డబ్బు కోసమే ప్రైవేటు లీగుల్లో

వెస్టిండీస్‌ క్రికెటర్లు డబ్బు కోసమే ప్రైవేటు లీగుల్లో ఆడతారన్న దృక్పథాన్ని లారా ఈ సందర్భంగా ఏకీభవించలేదు. గతంలో కూడా వెస్టిండిస్ ఆటగాళ్లు ప్రైవేట్ లీగుల్లో ఆడుతూ జాతీయ జట్టుకు ప్రాతినిథ్యం వహించారని లారా తెలిపాడు. ప్రైవేట్ లీగుల్లో ఆడినా టెస్టు క్రికెట్‌ను ఆడాలని లారా సూచించాడు.

T20 World Cup: దక్షిణాఫ్రికా తరుపున ఏబీ డివిలియర్స్, కొత్త కోచ్ బౌచర్ ఇలా!

ఉదాహరణగా భారత ఆటగాళ్లు

ఇందుకు ఉదాహరణగా భారత ఆటగాళ్లను చూపించాడు. భారత్‌లో ఐపీఎల్‌ ఆడుతున్నప్పటికీ టెస్టు క్రికెట్‌ ఆడటానికి వారెంతో ప్రాధాన్యమిస్తారని లారా ఈ సందర్భంగా వెల్లడించాడు. టెస్ట్ క్రికెట్ పట్ల ఆసక్తి ఉన్న యువకులను రాబోయే రోజుల్లో గుర్తించి సరైన ప్రణాళికను క్రికెట్ వెస్టిండీస్ బోర్డు రూపొందించాలని లారా చెప్పాడు.

తక్కువ టెస్ట్ స్థాయిలో

"వెస్టిండిస్ తక్కువ టెస్ట్ స్థాయిలో పాల్గొనవలసిన అవసరం లేదని నేను ఆశిస్తున్నాను. వెస్టిండfస్ vs ఆస్ట్రేలియా (వొరెల్ ట్రోఫీ), వెస్టిండీస్ vs ఇంగ్లాండ్ (విస్డెన్ ట్రోఫీ) వంటి సిరీస్‌లు గత సంవత్సరాలుగా సృష్టించిన వారసత్వాన్ని కలిగి ఉన్నాయి" అని లారా చెప్పుకొచ్చాడు.