సచిన్లా ఆడటం ఇష్టం..
ఇక తన ఆరాధ్య క్రికెటర్ సచిన్ టెండూల్కర్లా ఆడటం తనకు ఇష్టమని, అలా ఆడటానికి ప్రయత్నిస్తానని ఈ యువ ప్లేయర్ చెప్పుకొచ్చాడు.‘సచిన్ ప్రభావం నాపై ఎంతో ఉంది. ఎనిమిదేళ్ల వయసులో తొలిసారి ఆయనను కలిశాను. పరిస్థితులని బట్టి నా సాధారణ శైలిలోనే ఆడమని ఎప్పుడూ సలహా ఇచ్చేవారు. మైదానం బయట కూడా ప్రశాంతగా ఉండమని చెప్పేవారు. నేను బాటమ్-హ్యాండ్ ప్లేయర్ని. అంతకుముందు నా కోచ్ల సలహాల మేరకు నా గ్రిప్ను మార్చేవాడిని. కానీ, సచిన్ సర్ నా గ్రిప్ను మార్చవద్దని సూచించారు. ఆ తర్వాత నుంచి మార్చలేదు'అని తెలిపాడు.
సచిన్తో పోల్చొద్దు..
తనను సచిన్తో పోలిస్తే ఒత్తిడికి గురవుతుంటానని, అయితే అది ఛాలెంజ్గా అనిపిస్తుంటుందని పృథ్వీ తెలిపాడు. సచిన్ క్రికెట్ దేవుడు అని కొనియాడాడు. ఢిల్లీ క్యాపిటల్స్కు మెంటార్గా వ్యవహరించిన గంగూలీ గురించి స్పందిస్తూ.. దాదా ఎంతో సాయం చేశాడని, జట్టులో యువకులను ఎంతో ప్రోత్సహించాడని తెలిపాడు.
గోల్ప్, టీటీ, స్విమ్మింగ్ ఇష్టం..
క్రికెట్తో పాటు గోల్ఫ్, టేబుల్ టెన్నిస్, స్విమ్మింగ్ ఇష్టమని ఈ యువ క్రికెటర్ చెప్పుకొచ్చాడు. భారత్ తరఫున ఇప్పటి వరకు నాలుగు టెస్టులు, మూడు వన్డేలు ఆడిన పృథ్వీ.. ఈ ఏడాది ఆరంభంలో న్యూజిలాండ్తో అంతర్జాతీయ వన్డేల్లోకి అరంగేట్రం చేశాడు. ఇక అంతకు ముందు అవగాహన లేక దగ్గు మందు కోసం బహిష్కృత డ్రగ్ 'టర్బులిన్' వాడి 8 నెలల సస్పెన్షన్కు గురయ్యాడు. నిషేధానంతరం రంజీల్లో రాణించి న్యూజిలాండ్ టూర్కు ఎంపికయ్యాడు. కానీ ఆశించిన స్థాయిలో రాణించలేకపోయాడు.