విశాఖ తీరానా ధోనీ సృష్టించిన ఆ విధ్వంసం గుర్తుందా?

పాకిస్థాన్‌పై విధ్వంసం..

అప్పటి కెప్టెన్ సౌరవ్ గంగూలీ తన మీద పెట్టుకున్న నమ్మకాన్ని నిలబెట్టుకున్నాడు. బంగ్లాదేశ్‌పై అంతర్జాతీయ వన్డేల్లో అరంగేట్రం చేసిన ధోనీ.. ఆ మ్యాచ్‌లో అనవసర పరుగుకు ప్రయత్నించి డకౌట్‌గా వెనుదిరిగాడు. అనంతరం జరిగిన మూడు వన్డేల్లో 12, 7 నాటౌట్, 3 పరుగులే చేశాడు. అయితే ఈ మూడు మ్యాచ్‌ల్లో ఏడో స్థానంలో బ్యాటింగ్‌కు దిగిన ధోనీ.. విశాఖ వేదికగా పాకిస్థాన్‌తో జరిగిన మ్యాచ్‌లో మాత్రం అనూహ్యంగా ఫస్ట్ డౌన్‌లో వచ్చాడు.

అనూహ్యంగా ఫస్ట్ డౌన్‌లో..

ఈ మ్యాచ్ నాలుగో ఓవర్లోనే లెజెండ్ సచిన్ టెండూల్కర్ ఔటవ్వడంతో... క్రీజులోకి వచ్చిన ధోనీ.. సూపర్ బ్యాటింగ్‌తో ఆకట్టుకున్నాడు. ఆసాధారణ రీతిలో బ్యాటింగ్‌ చేసిన ఈ జార్ఖండ్ డైనమైట్.. నాటి డాషింగ్ ఓపెనర్ వీరేంద్ర సెహ్వాగ్‌తో నాలుగో వికెట్‌కు 96 పరుగులు.. రాహుల్ ద్రవిడ్‌తో 149 రన్స్ జోడించాడు.

123 బంతులు ఆడిన ధోనీ.. 15 ఫోర్లు 4 సిక్స్‌లతో 148 పరుగుల చేశాడు. నాటి పాక్ దిగ్గజ బౌలర్లు మహ్మద్ సమీ, నవీద్ ఉల్ హసన్, షాహిద్ అఫ్రిదీ, మహ్మద్ హఫీజ్ బౌలింగ్‌ను చీల్చి చిండాడాడు. దీంతో భారత్ నిర్ణీత 50 ఓవర్లలో 9 వికెట్లకు 356 పరుగులు చేసింది. అనంతరం బ్యాటింగ్‌కు దిగిన పాకిస్థాన్ 298 పరుగులకు ఆలౌటైంది. నెహ్రా 4 వికెట్లు పడగొట్టాడు. ఇక ఈ సెంచరీతో ధోనీ మళ్లీ వెనుదిరిగి చూసుకోలేదు.

వామ్మో ఈ పిల్ల వల్ల.. నా ఉద్యోగానికే ఎసరొచ్చేలా ఉంది!!

శ్రీలంకపై సూపర్ సెంచరీ..

ఈ అద్భత సెంచరీతో ఆస్ట్రేలియా దిగ్గజ కీపర్ ఆడమ్ గిల్‌క్రిస్ట్ 172,154 తర్వాత ధోనీ నిలిచాడు. అయితే ఆ తర్వాత శ్రీలంకతో జరిగిన మ్యాచ్‌లో ధోనీ 183 నాటౌట్‌తో గిల్ క్రిస్ట్‌ను అధిగమించాడు. మొత్తం తన వన్డే కెరీర్‌లో మొత్తం 9 సార్లు మూడంకెల స్కోర్ చేసిన ధోనీ.. 50.57 సగటుతో 73 హాఫ్ సెంచరీలతో 10773 పరుగులు చేశాడు. శ్రీలంకపై చేసిన 183 నాటౌట్ తన వ్యక్తిగత అత్యధిక స్కోర్.