పరుగు తీస్తూ ఢీకొట్టుకున్న బ్యాట్స్‌మన్.. తప్పిన ప్రమాదం (వీడియో)

మెల్‌బోర్న్ : సంచలనాలకు, విచిత్ర ఘటనలకు ఆస్ట్రేలియా బిగ్‌బాష్ లీగ్ కేరాఫ్ అడ్రస్. ముగింపునకు చేరుకున్న ఈ మెగా టోర్నీలో గురువారం ఓ విచిత్రమైన ఘటన చోటుచేసుకుంది. మెల్‌బోర్న్ స్టార్స్, సిడ్నీ థండర్ మధ్య జరిగిన చాలెంజర్స్ మ్యాచ్‌లో సింగిల్స్ తీస్తు ఇద్దరు బ్యాట్స్‌మన్ ఒకరికొకరు ఢీకొట్టుకున్నారు. ప్రస్తుతం దీనికి సంబంధించిన వీడియో నెట్టింట హల్‌చల్ చేస్తోంది.

ఈ మ్యాచ్‌లో టాస్ గెలిచిన మెల్‌బోర్న్ స్టార్స్ బ్యాటింగ్ చేసింది. ఆ జట్టు ఓపెనర్ మార్కస్ స్టోయినిస్, ఫస్ట్ డౌన్ బ్యాట్స్‌మన్ నిక్ లార్కిన్ పరుగు తీస్తూ ఒకరికొకరు ఢీకొన్నారు. అదృష్టవశాత్తు ఎవరికి గాయాలవ్వకున్నా.. క్రికెట్ సర్కిల్లో హాట్ టాపిక్ అయింది.

నా సెంచరీకి.. జోష్‌కు ద్రవిడ్ సర్ వీడియోనే కారణం: యశస్వి జైస్వాల్

Interesting method of running between the wickets from Stoinis and Larkin 🙈 #BBL09 pic.twitter.com/Odar9P9rqr

— #7Cricket (@7Cricket) February 6, 2020

జోనాథన్ కుక్ వేసిన 13వ ఓవర్ రెండో బంతికి స్టోయినిస్ లాంగాన్ దిశగా షాట్ ఆడాడు. అయితే ఇక సింగిల్ తీసి డబుల్‌కు ప్రయత్నించిన స్టోయినిస్, నిక్ బంతినే చూస్తూ పరుగెత్తారు. అయితే ఈ క్రమంలో ఒకరినొకరు చూసుకోకుండా ఢీకొట్టుకున్నారు. అయితే మరీ స్పీడ్‌గా పరుగెత్తకపోవడంతో గాయాల నుంచి తప్పించుకున్నారు. అలాగే ఫీల్డర్లు అలసత్వంగా ఉండటం కూడా వారికి కలిసొచ్చింది. రనౌటయ్యే ప్రమాదం నుంచి తప్పించుకున్నారు. అనంతర చెలరేగి ఆడిన ఈ జోడీ రెండో వికెట్‌కు 113 పరుగుల భాగస్వామ్యాన్ని నమోదు చేసింది. స్టోయినిస్(83) హాఫ్ సెంచరీ చేసి ఔటవ్వగా.. నిక్ కూడా 83 పరుగులతో అజేయంగా నిలిచాడు. దీంతో మెల్‌బోర్న్ స్టార్స్ నిర్ణీత 20 ఓవర్లలో 2 వికెట్లకు 194 పరుగులు చేసింది.

నువ్వేం అంపైర్ సామీ.. ఇంత బిత్తిరి నిర్ణయమా?

అనంతరం ఛేజింగ్‌కు దిగిన సిడ్నీ థండర్స్ నిర్ణీత 20 ఓవర్లలో 8 వికెట్లకు 166 పరుగలే చేసి ఓటమిపాలైంది. ఇక 28 పరుగులతో గెలిచిన మెల్‌బోర్న్ స్టార్స్ శనివారం జరిగే ఫైనల్లో సిడ్నీ సిక్సర్‌తో తలపడుతుంది. ఇక బీబీఎల్ చరిత్రలో ఒక్క సీజన్‌లో అత్యధిక పరుగులు చేసిన బ్యాట్స్‌మన్‌గా స్టోయినిస్ రికార్డు సృష్టించాడు.