మోడ్రన్ ఎరాలో గ్రేట్ ప్లేయర్: కోహ్లీపై కుంబ్లే ప్రశంసల వర్షం

కోహ్లీ గ్రేట్ ప్లేయర్

గత కొన్నేళ్లుగా విరాట్ కోహ్లీ అద్భుతమైన ఆటతీరుని కనబరుస్తున్నాడు. ఆరంభంలో నిలకడగా ఆడుతూ ఆ తర్వాత వాటిని భారీ స్కోర్లుగా మలుస్తున్న తీరు అద్భుతం. ఓపెనింగ్ బ్యాట్స్‌మెన్లు సైతం కోహ్లీ నుంచి దీనిని నేర్చుకోవాలి, ముఖ్యంగా రహానే. మురళీ విజయ్ చక్కటి ఆరంభాన్ని ఇస్తున్నప్పటికీ, దానిని భారీ స్కోరుగా మలచడంలో విఫలమవుతున్నాడు. అదే కోహ్లీ విషయానికి వస్తే నిలకడగా క్రీజులో పాతుకుపోయి జట్టుని చక్కటి స్థితిలో ఉంచుతున్నాడు. ఇదే కేవలం స్కిల్‌తోనే సాధ్యం కాదు మానసిక సామర్ధ్యం కూడా ఎంతో అవసరం" అని కుంబ్లే అన్నాడు.

కోహ్లీ-సచిన్ టెండూల్కర్‌ పోలికపై

ఈ ఇద్దరిని ఒకరితో మరొకరిని పోల్చడం సరికాదు. వీరిద్దరూ ఆడుతోన్న తరాలు వేరు, కాబట్టి పోల్చకూడదు. ఏది ఏమైనప్పటికీ విరాట్ కోహ్లీ గ్రేట్ ప్లేయర్. ప్రస్తుతం కోహ్లీ 60 అంతర్జాతీయ సెంచరీలు సాధించాడు. చాలా తక్కువ సమయంలో వీటిని సాధించాడు. పరుగుల పట్ల ఆకలిగా ఉన్నాడు. తనకు వచ్చిన అవకాశాన్ని చక్కగా వినియోగించుకుంటున్నాడు. ప్రతి ఒక్కటీ కౌంట్ అవుతోంది. అంతటి సామర్థ్యం కోహ్లీకి ఉంది. మోడ్రన్ ఎరాలో విరాట్ కోహ్లీ గ్రేట్ ప్లేయర్.

మూడో టెస్టులో హార్దిక్ పాండ్యాకు చోటు కల్పించడంపై

ఐదుగురు బౌలర్లతో బరిలోకి దిగాలంటే హార్దిక్ పాండ్యా నాలుగో పేసర్‌గా తుది జట్టులోకి సరిగ్గా సరిపోతాడు. ఇదొక్కటే ఏకైక ఆప్షన్. అదే పాండ్యాను మూడో ఫాస్ట్ బౌలర్‌గా పరిగణిస్తే, ఇందుకు నేను అంగీకరించను. అందుకు కారణం పాండ్యాకు చాలా తక్కువ సమయం ఉండటమే. అదే అశ్విన్, జడేజా ఫిట్‌గా ఉంటే ఇద్దరు స్పిన్నర్లతో వెళితే మంచిది. అయితే, ప్రస్తుతం వీరిద్దరూ గాయాల నుంచి ఇంకా కోలుకున్నట్లు కనిపించడం లేదు. ఇలాంటి సందర్భంలో కుల్దీప్ యాదవ్ జట్టు మేనేజ్‌మెంట్‌కు అందుబాటులో ఉన్నాడు. ఆతిథ్య జట్టు ఆస్ట్రేలియాతో తాను ఆడిన ఏకైక టెస్టు మ్యాచ్‌లో కుల్దీప్ ప్రత్యర్ధి జట్టు బ్యాట్స్‌మెన్‌ను ఏ విధంగా ఇబ్బంది పెట్టాడో మనకు తెలిసిందే. దీంతో మెల్ బోర్న్ టెస్టుకు టీమిండియా ఐదుగురు బౌలర్లతో బరిలోకి దిగాలి. ఈ సిరిస్‌లో పేసర్లు చక్కటి ప్రదర్శన చేస్తున్నారు.

రహానేపై ఇలా

రహానే క్వాలిటి ప్లేయర్. అందుకే అతడితో మిడిలార్డర్‌ను టాంపర్ చేయాలని అనుకోను. పుజారాని మూడో స్థానంలో, కోహ్లీని నాలుగు స్థానంలో, రహానేని ఐదో స్థానంలో బ్యాటింగ్ ఆర్డర్‌కు పంపుతా. బ్యాటింగ్ ఆర్డర్‌లో పుజారాను ముందు పంపడం ద్వారా అతడిలో ప్రేరణను కలిగిస్తుంది. ఈ సిరిస్‌లో ఇప్పటికే రహానే జట్టుకు చక్కటి భాగస్వామ్యాలను నమోదు చేశాడు. అయితే, ఇంకా అతడు కాస్త దూకుడుగా ఆడితే బాగుటుందనేది నా అభిప్రాయం. రహానే చక్కటి స్టోక్ ప్లేయర్ కూడా. క్రీజులో పాతుకుపోయాడంటే రహానే బ్యాటింగ్ చూడముచ్చటగా ఉంటుంది.