Click it and Unblock the Notifications
హెడ్ టు హెడ్ రికార్డ్స్
ఐపీఎల్ టోర్నీలో భాగంగా కోల్కతా నైట్రైడర్స్, పంజాబ్ కింగ్స్ జట్లు 28 సార్లు తలపడ్డాయి. ఇందులో కోల్కతా 19 సార్లు గెలుపొందగా.. పంజాబ్ 9 మాత్రమే విజయాలు అందుకుంది. పంజాబ్ జట్టుపై కోల్కతా చేసిన అత్యధిక స్కోర్ 245 కాగా.. కోల్కతాపై పంజాబ్ 214 రన్స్ చేసింది. పంజాబ్ జట్టుపై కోల్కతా చేసిన అత్యల్ప స్కోర్ 109 కాగా.. కోల్కతాపై పంజాబ్ 19 రన్స్ చేసింది. మ్యాచుకు ఎలాంటి వర్షం ముప్పులేదు. ఉష్ణోగ్రత 33 ° Cగా ఉండనుంది.
దుబాయ్ ఇంటర్నేషనల్ క్రికెట్ స్టేడియం బ్యాటింగ్కు అనుకూలమైంది. ఇక్కడి పిచ్ బ్యాటర్లకు మరోసారి సహాయపడనుంది. మ్యాచ్ చివరి భాగంలో పేసర్లకు అనుకూలంగా ఉండనుంది. ఇక స్పిన్నర్లు మిడిల్ ఓవర్లలో చెలరేగే అవకాశం ఉంది.
డు ఆర్ డై మ్యాచ్
కేఎల్ రాహుల్ సారథ్యంలోని పంజాబ్ కింగ్స్ ప్లేఆఫ్ రేసులో ఉండటానికి 'ఇది డు ఆర్ డై' మ్యాచ్ కానుంది. ఐపీఎల్ 2021లో అంతగా ఆకట్టుకోని కింగ్స్.. ఇప్పటికైనా వరుస విజయాలు అందుకోవాల్సిన సమయం వచ్చింది. ఓపెనర్ కేఎల్ రాహుల్ ఇప్పటివరకు కెప్టెన్ ఇన్నింగ్స్ ఆడలేదు. గత సీజన్లో పరుగుల వరద పారించిన రాహుల్.. ఈసారి ఆ ఫామ్ కొనసాగించలేదు. ఇప్పుడు పంజాబ్ జట్టుకు విజయం తప్పనిసరి.
ఈ నేపథ్యంలో రాహుల్ ఓ భారీ ఇన్నింగ్స్ ఆడాల్సిన అవసరం ఎంతో ఉంది. ఇక గాయపడిన మయాంక్ అగర్వాల్ స్థానంలో ముంబైపై ఆడిన మన్దీప్ సింగ్ తక్కువ పరుగులకే పెవిలియన్ చేరాడు. 14 బంతుల్లో 15 పరుగులు మాత్రమే చేశాడు. అయితే మయాంక్ ఫిట్నెస్ సాధించడంతో ఈరోజు మ్యాచ్ ఆడనున్నాడు.
గేల్ ఔట్
బయో బబుల్ కారణంగా ఐపీఎల్ 14 నుంచి తప్పుకుంటున్నట్లు యూనివర్సల్ బాస్ క్రిస్ గేల్ ప్రకటించాడు. దాంతో కోల్కతాతో జరిగే మ్యాచుకు గేల్ అందుబాటులో ఉండడం లేదు. గేల్ స్థానంలో మన్దీప్ సింగ్ ఆడనున్నాడు. స్టార్ హిట్టర్ నికోలస్ పూరన్, దీపక్ హుడా కూడా విఫలమవుతున్నారు. దీంతో మంచి శుభారంభం లభిస్తున్నా చివర్లో చతికిలపడుతోంది పంజాబ్. ఇడెన్ మర్క్రమ్ కూడా పెద్దగా ప్రభావం చూపకున్నా.. అతడికి మరో ఛాన్స్ ఇవ్వనున్నారు.
ప్రస్తుతం పంజాబ్ జట్టుకు మిడిలార్డర్ సమస్య పెద్ద సమస్యగా మారింది. ఇది అధిగమిస్తే కింగ్స్ ప్లే ఆఫ్స్ ఆశలు సజీవంగా ఉంటాయి. బౌలింగ్లోనూ రవి బిష్ణోయ్ తప్ప ఎవరూ అనుకున్నంతగా రాణించలేకపోతున్నారు. మొహ్మద్ షమీ, అర్షదీప్ సింగ్ వికెట్లు సాధిస్తున్నా.. చివర్లో ధారాళంగా పరుగులు సమర్పిస్తున్నారు. హర్ప్రీత్ బ్రర్ మెరుపులు ఒక మ్యాచుకే పరిమితం అయ్యాయి.
IPL 2021: సీఎస్కే 10 మంది ఆటగాళ్లతో మాత్రమే ఆడుతోంది.. ఆ ప్లేయర్ ఉన్నా లేనట్టే: ఆకాశ్ చోప్రా
వెంకటేశ్ మెరిసేనా
ఇక కోల్కతా నైట్ రైడర్స్ విషయానికి వస్తే.. బ్యాటింగ్లో యువ ఓపెవర్ వెంకటేశ్ అయ్యర్ మంచి ఫామ్ కనబరుస్తున్నాడు. రెండో దశలో మొదటి రెండు మ్యాచుల్లో అదరగొట్టాడు. ఆ తర్వాత మాత్రం విఫలయినా.. ఈ మ్యాచులో అతడిపై భారీ అంచనాలే ఉన్నాయి. అయితే మరో ఓపెనర్ శుభ్మన్ గిల్ మాత్రం అంచనాలను అందుకోవట్లేదు.
రాహుల్ త్రిపాఠి బ్యాట్ జుళిపిస్తున్నాడు. త్రిపాఠితో పాటు నితీశ్ రానా, కెప్టెన్ మోర్గాన్, దినేష్ కార్తీక్ బ్యాట్కు పనిచెప్పాల్సిన అవసరం ఉంది. బౌలింగ్లో సునీల్ నరైన్, వరుణ్ చక్రవర్తి లాంటి స్పిన్నర్లు ప్రత్యర్థిని కట్టడిచేస్తున్నారు. టీమ్ సౌథీ, లుకీ ఫెర్గుసన్, సందీప్ వారియర్ రాణించాల్సిన అవసరం ఉంది.
తుది జట్టు (అంచనా)
పంజాబ్ కింగ్స్: లోకేష్ రాహుల్, మయాంక్ అగర్వాల్, మన్దీప్ సింగ్, ఇడెన్ మర్క్రమ్, నికోలస్ పూరన్, దీపక్ హుడా, హర్ప్రీత్ బ్రర్, నాథన్ ఎల్లిస్, మొహ్మద్ షమీ, రవి బిష్ణోయ్, అర్షదీప్ సింగ్.
కోల్కతా నైట్రైడర్స్: శుభ్మన్ గిల్, వెంకటేశ్ అయ్యర్, రాహుల్ త్రిపాఠి, ఇయాన్ మోర్గాన్ (కెప్టెన్), నితీశ్ రానా, దినేష్ కార్తీక్, సునీల్ నరైన్, టీమ్ సౌథీ, లుకీ ఫెర్గుసన్, సందీప్ వారియర్, వరుణ్ చక్రవర్తి.
డ్రీమ్ 11 టీమ్
లోకేష్ రాహుల్, ఐడెన్ మార్క్రామ్, మయాంక్ అగర్వాల్, రాహుల్ త్రిపాఠి, సునీల్ నరైన్, ఆండ్రీ రస్సెల్ (కెప్టెన్), వెంకటేశ్ అయ్యర్, మహ్మద్ షమీ (వైస్ కెప్టెన్), అర్షదీప్ సింగ్, రవి బిష్ణోయ్, వరుణ్ చక్రవర్తి.
Continue with Google