గత రెండు మ్యాచ్ల్లో కూడా ఇలాగే
గత రెండు మ్యాచ్ల్లో రహానేతో పాటు ఓపెనర్గా క్రీజులోకి వస్తోన్న డీఆర్క్ షాట్ సరిగ్గా ఇలానే రనౌట్గా వెనుదిరిగాడు. టోర్నీలో భాగంగా బుధవారం రాజస్థాన్-కోల్కతా జట్ల మధ్య మ్యాచ్ జరిగింది. ఈ మ్యాచ్లో టాస్ ఓడి తొలుత బ్యాటింగ్కు దిగిన రాజస్థాన్ ఇన్నింగ్స్ ఆరంభం నుంచే నిదానంగా సాగింది.
తొలి మూడు ఓవర్ల వరకు ఒక్క బౌండరీ లేదు
కోల్కతా బౌలింగ్కు పరుగులు తీసేందుకు బ్యాట్స్మెన్ ఇబ్బందిపడ్డారు. తొలి మూడు ఓవర్ల వరకు ఒక్క బౌండరీ కూడా లేదు. అప్పటికి స్కోరు కేవలం 9 పరుగులే. అయితే నాలుగో ఓవర్లో కెప్టెన్ రహానె వరుసగా నాలుగు ఫోర్లతో చెలరేగి ఒక్కసారిగా స్టేడియంలో ఊపు తెచ్చాడు.
క్రీజు వెలుపలికి వచ్చి బంతిని హిట్ చేసిన రహానే
అయితే, ఇన్నింగ్స్ ఏడో ఓవర్ వేసిన రానా బౌలింగ్లో క్రీజు వెలుపలికి వచ్చి బంతిని హిట్ చేసేందుకు (36: 19 బంతుల్లో 5 ఫోర్లు, సిక్సు) ప్రయత్నించాడు. అయితే.. బంతి అతని బ్యాట్కి అందకుండా నేరుగా వెళ్లి ఫ్యాడ్స్ను తాకి ప్రక్కకు వెళ్లింది. దీంతో బంతి గమనాన్ని పరిశీలించకుండా రహానే రెండు అడుగులు వేశాడు.
|
డైవ్ చేస్తూ వికెట్లను గిరాటేసిన దినేశ్ కార్తీక్
వెంటనే కోల్కతా వికెట్ కీపర్ మెరుపు వేగంతో బంతిని అందుకుని డైవ్ చేస్తూ వికెట్లను గిరాటేశాడు. దీంతో నిరాశగా రహానే పెవిలియన్కు చేరాడు. ఇందుకు సంబంధించిన వీడియో సోషల్ మీడియాలో వైరల్ అయింది. ఈ సీజన్లో కోల్కతా జట్టు కెప్టెన్సీ పగ్గాలు అందుకున్న తర్వాత దినేశ్ కార్తీక్ తనదైన శైలిలో రెచ్చిపోతున్నాడు.
7 వికెట్ల తేడాతో రాజస్థాన్ రాయల్స్పై కోల్కతా ఘన విజయం
ఇదిలా ఉంటే బుధవారం రాత్రి జరిగిన మ్యాచ్లో కోల్కతా నైట్రైడర్స్ 7 వికెట్ల తేడాతో రాజస్థాన్ రాయల్స్పై ఘన విజయం సాధించింది. టాస్ ఓడి ముందుగా బ్యాటింగ్కు దిగిన రాజస్థాన్ 20 ఓవర్లలో 8 వికెట్లకు 160 పరుగులు చేసింది. అనంతరం చేధనకు దిగిన కోల్కతా 18.5 ఓవర్లలో మూడు వికెట్లకు 163 పరుగులు చేసి విజయం సాధించింది.