స్టెయిన్ మాదిరి బౌలింగ్: వరల్డ్ క్లాస్ బౌలర్ అంటూ ఆర్చర్‌కు వార్నర్ ప్రశంస

వార్నర్‌ మాట్లాడుతూ

ఆసీస్ తొలి ఇన్నింగ్స్ ఆనంతరం డేవిడ్‌ వార్నర్‌ మాట్లాడుతూ "కొత్త బంతితో ఆర్చర్‌ బౌలింగ్‌ విధానం చూస్తుంటే నాకు డేల్‌ స్టెయిన్‌ గుర్తుకు వస్తున్నాడు. వేగంతో పాటు పేస్‌లో వైవిద్యాన్ని ప్రదర్శిస్తున్నాడు. పిచ్‌, మ్యాచ్‌ పరిస్థితులకు తగ్గట్టు బౌలింగ్‌ చేస్తున్నాడు. ఆర్చర్‌ ఇప్పుడే ప్రపంచ శ్రేణి బౌలర్‌ను తలపిస్తున్నాడు" అని అన్నాడు.

నిప్పులు చెరిగిన ఆర్చర్

జోఫ్రా ఆర్చర్ నిప్పులు చెరిగే బంతులతో విజృంభించడంతో యాషెస్‌ మూడో టెస్టులో ఆస్ట్రేలియా తొలి ఇన్నింగ్స్‌లో 52.1 ఓవర్లలో 179 పరుగులకే ఆలౌటైంది. ఇంగ్లాండ్ బౌలర్ల దాటికి పర్యాటక ఆస్ట్రేలియా బ్యాటింగ్‌లో దారుణంగా విఫలమైంది. తొలి రోజు ఆటలో ఆతిథ్య ఇంగ్లాండ్‌ స్పష్టమైన పైచేయి సాధించింది.

కెరీర్‌లో తొలిసారి ఐదు వికెట్ల ప్రదర్శన

ఆర్చర్‌, బ్రాడ్‌ విజృంభించడంతో మిడిలార్డర్‌లో ట్రెవిస్‌ హెడ్‌ (0), మాథ్యూవేడ్‌ (0) డకౌటయ్యారు. కెప్టెన్‌ టిమ్‌ పైన్‌ (11) కూడా నిరాశపరిచాడు. ప్యాటిన్సన్‌ (2), కమిన్స్‌ (0) త్వరగానే పెవిలియన్ చేరారు. ఇంగ్లాండ్‌ బౌలర్ల దాటికి ఆసీస్ 43 పరుగుల వ్యవధిలోనే 8 వికెట్లు కోల్పోయింది. ఆర్చర్‌ కెరీర్‌లో తొలిసారి ఐదు వికెట్ల ప్రదర్శన చేశాడు.

తొలి టెస్టు: విండీస్ పేసర్ల విజృంభణ.. ఆదుకున్న రహానే

1-0 ఆధిక్యంలో ఆస్ట్రేలియా

వర్షం కారణంగా బుధవారం పూర్తిస్థాయి ఆట సాగలేదు. ఐదు టెస్టుల సిరీస్‌లో ఆసీస్‌ 1-0తో ఆధిక్యంలో ఉంది. ఎడ్జిబాస్టన్ వేదికగా జరిగిన తొలి టెస్టులో ఆస్ట్రేలియా విజయం సాధించగా... లార్డ్స్ వేదికగా జరిగిన రెండో టెస్టు డ్రాగా ముగిసిన సంగతి తెలిసిందే. గాయం కారణంగా మూడో టెస్టుకు స్టీవ్ స్మిత్ దూరమైన సంగతి తెలిసిందే.