|
ద్వేషం, వైరస్ను విస్తరించకండి..
ట్విటర్ వేదికగా ఓ భావోద్వేగపూరితమైన పోస్ట్ షేర్ చేశాడు. ‘కులం, మతం వద్దు కేవలం మానవత్వమే ముద్దు. ద్వేషం, వైరస్ను వ్యాపింపచేయకండి. ప్రేమను మాత్రమే పంచండి. ప్రతీ ఒక్కరి కోసం ప్రార్థన చేద్దాం. భగవంతుడి ఆశీస్సులు మనందరిపై ఉంటాయి. అందరూ దయ కలిగి ఉండండి. ఇంట్లోనే ఉంటూ సురక్షితంగా ఉండండి' అంటూ భజ్జీ ట్వీట్ చేశాడు. దీనికి ఓ వీడియోను కూడా జతచేశాడు. ఈ వీడియోలో ఇంగ్లండ్లో ఉన్న సిక్కులు ఆహారం తయారు చేస్తున్నారు.
ఎప్పటికీ భారతీయుడినే..
ఇప్పటికే తనపై వచ్చిన విమర్శలపై యువీ స్పందించాడు. తాను చేసిన తప్పేంటో అర్థం కావడం లేదన్నాడు. తాను ఎవరీ మనోభావాలను కించపరచాలనుకోలేదని స్పష్టం చేశాడు. తాను ఎప్పటికీ భారతీయుడేనని, కష్టకాలంలో ఉంటే తనకు హానీ చేసిన వారికైన సహాయం చేస్తానని యువీ పేర్కొన్నాడు.
ధోనీ ఒక్కడితోనే ప్రపంచకప్ రాలేదు : గంభీర్
ధన్యవాదాలు తెలిపిన అఫ్రిది
భారత క్రికెటర్లు యువరాజ్ సింగ్, హర్భజన్ సింగ్కు పాకిస్థాన్ మాజీ క్రికెటర్ షాహిద్ అఫ్రిది ధన్యవాదాలు తెలిపాడు. కరోనా వైరస్పై పాక్లో చేస్తున్న తన పోరాటానికి మద్దతు పలికినందుకు కృతజ్ఞతలు చెప్పాడు. ప్రేమ, శాంతికి సరిహద్దులు ఉండవని చాటిచెప్పారని కొనియాడాడు.
‘మద్దతు తెలిపిన నా బ్రదర్స్ యువరాజ్ సింగ్, హర్భజన్ సింగ్కు ధన్యవాదాలు. మీ మద్దతు నాకు ఎంతో విలువైనది. మన మధ్య ఉన్న ఈ బంధం మానవత్వం, ప్రేమ, శాంతికి సరిహద్దులు ఉండవని చాటిచెబుతోంది. యువరాజ్ ఫౌండేషన్ యూవీకెన్కు అభినందనలు'అని ట్వీట్ చేశాడు.