పేస్తో పాటు కచ్చితత్వం
తాజాగా ఆసీస్ మాజీ క్రికెట్ దిగ్గజం మెక్గ్రాత్ ఓ ఇంటర్యూలో "టెస్టుల్లో పదునైన పేస్తో పాటు కచ్చితత్వంతో బౌలింగ్ చేయాలి. అప్పుడే విజయం సాధిస్తాం. ఆర్చర్ ఆ పనిని చాలా సులువుగా చేస్తున్నాడు. అతడి బౌలింగ్ చాలా సహజసిద్దంగా ఉంటుంది. ఆర్చర్ రనప్, క్రీజును వదిలే క్రమం అన్నీ ఎక్కువ స్ట్రెస్ లేకుండా చాలా సింపుల్గా ఉంటాయి" అని అన్నాడు.
లాంగ్ స్పెల్ బౌలింగ్
"అద్భుతమైన పేస్తో లాంగ్ స్పెల్ బౌలింగ్ చేస్తున్నాడు. అదే విధంగా బౌలింగ్ వేగంలో చాలా వేరియేషన్స్ చూపిస్తున్నాడు. ఆర్చర్ పేస్ బౌలింగ్కు అనుభవం తోడైతే ఎన్నో రికార్డులు సృష్టిస్తాడు" అని మెక్గ్రాత్ తెలిపాడు. కాగా, జోఫ్రా ఆర్చర్ వేసిన ఓ పదునైన బౌన్సర్కు ఆసీస్ స్టార్ బ్యాట్స్మన్ స్టీవ్ స్మిత్ గాయపడిన సంగతి తెలిసిందే.
148.7 కిలోమీటర్ల వేగంతో
లార్డ్స్ టెస్టులో జోఫ్రా ఆర్చర్ 148.7 కిలోమీటర్ల వేగంతో సంధించిన బంతిని స్టీవ్ స్మిత్ మెడకు బలంగా తాకడంతో స్మిత్ మైదానంలో కుప్పకూలాడు. ఆసీస్ జట్టు ఫిజియో ప్రాథమిక చికిత్స అనంతరం స్టీవ్ స్మిత్ మెల్లగా రావడంతో ఒక్కసారిగా అంతా ఊపిరి పీల్చుకున్నారు. ఆ తర్వాత స్మిత్ రిటైర్డ్హర్ట్గా వెనుదిరిగాడు.
మూడో టెస్టుకు దూరమైన స్టీవ్ స్మిత్
ఆ తర్వాత నొప్పి కారణంగా రెండో టెస్టు నుంచి స్టీవ్ స్మిత్ తప్పుకున్నాడు. అయితే స్మిత్ గాయంతో విలవిల్లాడుతుంటే ఆర్చర్ ప్రవర్తించిన తీరుపై పాక్ మాజీ క్రికెటర్ షోయబ్ అక్తర్, పలువురు ఆసీస్ మాజీ క్రికెటర్లు, అభిమానులు మండిపడ్డారు. హెడెంగ్లే వేదికగా గురువారం నుంచి ఆరంభమయ్యే మూడో టెస్టుకు సైతం స్టీవ్ స్మిత్ దూరమయ్యాడు.