శ్రీలంక పర్యటనలో..
శ్రీలంక గడ్డపై జరిగిన టెస్ట్ సిరీస్లో ఫీల్డింగ్ చేస్తూ షాహిన్ గాయపడ్డాడు. ఆ తర్వాత ఇంగ్లండ్కు వెళ్లి చికిత్స తీసుకున్న అతను రిహాబిలిటేషన్లో ఉండగానే జట్టుతోనే నెదర్లాండ్స్ పర్యటనకు వెళ్లాడు. తుది జట్టులో లేకున్నా.. మెడికల్ టీమ్ పర్యవేక్షణలో ఉన్నాడు. ఆసియాకప్ ఆడకపోయినా.. జట్టుతోనే ఉన్నాడు. ఈ క్రమంలోనే పూర్తిగా కోలుకోకముందే పాకిస్థాన్.. ప్రపంచకప్ కోసం అతన్ని తీసుకొచ్చిందనే విమర్శలు వినిపించాయి. ముఖ్యంగా ఆ జట్టు మాజీ క్రికెటర్లు షాహిన్ అఫ్రిది విషయంలో పీసీబీపై విమర్శలు గుప్పించారు.
తొలి మూడు మ్యాచ్ల్లో విఫలమైనా..
ప్రపంచకప్లో తొలి మూడు మ్యాచ్ల్లో అంతగా ప్రభావం చూపని షాహిన్ తర్వాతి మూడు మ్యాచ్ల్లో దుమ్మురేపాడు. బంగ్లాదేశ్తో(4/22) నాలుగు వికెట్లు, సౌతాఫ్రికాతో (3/14) మూడు వికెట్లు, న్యూజిలాండ్తో సెమీఫైనల్లో(3/21) మూడు వికెట్లతో సత్తా చాటాడు. ఇంగ్లండ్తో జరిగిన ఫైనల్లోనూ ఆ జట్టు బ్యాటర్లను వణికించాడు.2.1 ఓవర్లు మాత్రమే వేసి కీలక అలెక్స్ హేల్స్ వికెట్ తీసాడు. కానీ కీలక సమయంలో అతను గాయపడటం పాకిస్థాన్ విజయవకాశాలను దెబ్బతీసింది. ఈ గాయం తీవ్రత ఎక్కువగా ఉండటంతో అతను 3 నుంచి 6 నెలలు ఆటకు దూరమయ్యే అవకాశాలున్నాయని పాకిస్థాన్ మీడియా పేర్కొంది. మొకాలికి శస్త్ర చికిత్స చేయాలని డాక్టర్లు సూచించినట్లు తెలుస్తోంది. షాహిన్ షా అఫ్రిది లేకపోవడం పాకిస్థాన్కు గట్టి ఎదురుదెబ్బే.
ఆ రెండు సిరీస్లకు దూరం..
అయితే షాహిన్ షా అఫ్రిది గాయంపై పాకిస్థాన్ క్రికెట్ బోర్డు(పీసీబీ) ఇప్పటి వరకు ఎలాంటి అధికారిక ప్రకటన చేయలేదు. కానీ సొంతగడ్డపై డిసెంబర్, జనవరిలో ఇంగ్లండ్, న్యూజిలాండ్తో జరిగే టెస్ట్ సిరీస్లకు అతను అందుబాటులో ఉండడని పీసీబీ వర్గాలు పేర్కొన్నట్లు ఈఎస్పీఎన్ క్రిక్ఇన్ ఫో తెలిపింది. వచ్చే ఏడాది భారత్ వేదికగా జరగనున్న వన్డే ప్రపంచకప్కు షాహిన్ అఫ్రిది సిద్దం చేసేందుకు పీసీబీ అతనికి కావాల్సిన రెస్ట్ ఇవ్వనుంది. అతని గైర్హాజరీలో హారీస్ రౌఫ్ జట్టు బౌలింగ్ విభాగాన్ని నడిపించనున్నాడు.