Indonesia Open 2022 సెమీ ఫైనల్లో ప్రణయ్!

కానీ రెండో గేమ్‌లో ప్రణయ్‌కు ప్రత్యర్థి నుంచి ప్రతిఘటన ఎదురైంది. ఒక దశలో స్కోరు 9-9గా మారింది. కానీ బ్రేక్‌ సమయానికి 11-9తో ఆధిక్యంలో నిలిచిన ప్రణయ్‌ ఆ తర్వాత ప్రత్యర్థికి ఎక్కువ అవకాశం ఇవ్వకుండా గేమ్‌తో పాటు మ్యాచ్‌ను కైవసం చేసుకున్నాడు. సెమీస్‌లో జావో పెంగ్‌ (చైనా)తో ప్రణయ్‌ తలపడనున్నాడు.

అయిదేళ్ల టైటిల్‌ కరవుకు ముగింపు పలకాలనే పట్టుదలతో ఉన్న ప్రణయ్‌ గురువారం జరిగిన పురుషుల ప్రి క్వార్టర్స్‌లో 21-11, 21-18 తేడాతో లాంగ్‌ అంగుస్‌ (హాంకాంగ్‌)పై గెలిచాడు. భారత స్టార్‌ షట్లర్లు ప్రపంచ 11వ ర్యాంకర్‌ కిదాంబి శ్రీకాంత్, ప్రపంచ పదో ర్యాంకర్‌ లక్ష్య సేన్‌, మాజీ వరల్డ్ చాంపియన్ పీవీ సింధు, సాయి ప్రణీత్‌లు తొలి రౌండ్‌లోనే ఇంటి ముఖం పట్టారు. బుధవారం జరిగిన పురుషుల సింగిల్స్‌ తొలి రౌండ్‌లో ప్రపంచ మాజీ నంబర్‌వన్‌ శ్రీకాంత్‌ 21-23, 10-21తో ప్రపంచ 41వ ర్యాంకర్‌బ్రైస్‌ లెవెర్‌డెజ్‌ (ఫ్రాన్స్‌) చేతిలో ఓటమిపాలయ్యాడు. తొలి రౌండ్లో ప్రణయ్‌ 21-10, 21-9తో 8వ సీడ్‌ లక్ష్యసేన్‌పై విజయం సాధించాడు.

మంగళవారం జరిగిన మహిళల సింగిల్స్‌ తొలి రౌండ్‌లో ఏడో సీడ్‌ సింధు 14-21, 18-21తో హి బింగ్‌ జియావో (చైనా) చేతిలో ఓడింది. 47 నిమిషాల పాటు జరిగిన ఈ పోరులో సింధు క్రాస్ కోర్ట్ షాట్స్ ఆడటంలో ఇబ్బంది పడింది. పురుషుల సింగిల్స్‌లో సాయిప్రణీత్‌ 16-21, 19-21తో హన్స్‌ క్రిస్టియన్‌ (డెన్మార్క్‌) చేతిలో ఓడాడు.