యుఎస్ ఓపెన్‌: హలెప్‌ ఔట్, పిన్న వయస్కురాలిగా కోరీ గాఫ్ రికార్డు

టైబ్రేక్‌లో 4-4తో సమంగా

టైబ్రేక్‌లో 4-4తో సమంగా ఉన్న దశలో టౌన్‌సెండ్‌ వరుసగా మూడు పాయింట్లు సాధించి విజేతగా నిలిచింది. ఈ మ్యాచ్‌లో టేలర్‌ టౌన్‌సెండ్‌ 39 విన్నర్లు కొట్టింది. అమెరికాకు చెందిన టేలర్‌ టౌన్‌సెండ్‌ గత ఆరేళ్లుగా గ్రాండ్‌స్లామ్‌ టోర్నీలు ఆడుతోంది. కానీ... ఏ సీజన్‌లోనూ, ఏ టోర్నీలోనూ ఇప్పటి వరకు రెండో రౌండే దాటలేదు.

పిన్నవయస్కురాలిగా కోరీ గాఫ్ రికార్డు

ఇప్పుడు మాత్రం తన గ్రాండ్‌స్లామ్‌ కెరీర్‌లోనే అద్భుత ప్రదర్శనతో అందరి దృష్టిని ఆకర్షించింది. మరోవైపు రెండో రౌండ్‌లో అమెరికా 15ఏళ్ల సంచనలం కోరీ గాఫ్ 6-2, 4-6, 6-4 తేడాతో టిమా బాబోస్(హంగేరీపై) విజయం సాధించింది. 32 ఏళ్లలో యూఎస్ ఓపెన్ మూడో రౌండ్‌కు చేరిన పిన్నవయస్కురాలిగా రికార్డు సృష్టించింది.

ప్రిక్వార్టర్స్‌కు కరోలినా ప్లిస్కోవా

మూడో రౌండ్‌లో మూడో సీడ్ కరోలినా ప్లిస్కోవా(చెక్‌రిపబ్లిక్) 6-1, 4-6, 6-4 తేడాతో ఓన్స్ జాబెర్ (టునీసియా)పై గెలిచి ప్రిక్వార్టర్స్‌కు చేరింది. ఆరోసీడ్ క్విటోవా(చెక్ రిపబ్లిక్) 4-6, 4-6 తేడాతో అన్‌సీడెడ్ పెట్కోవిక్(జర్మనీ)పై ఓడి టోర్నీ నుంచి నిష్క్రమించింది. ఇక, పురుషుల సింగిల్స్ మూడో రౌండ్‌లో స్విస్ దిగ్గజం మూడో సీడ్ రోజర్ ఫెదరర్ 6-2, 6-2, 6-1తేడాతో డేనియల్ ఎవాన్(బ్రిటన్)పై గెలిచి ప్రిక్వార్టర్స్‌లోకి ప్రవేశించాడు.

ముగిసిన దివీజ్ శరణ్ పోరు

యుఎస్ ఓపెన్ పురుషుల డబుల్స్ భారత ఆటగాడు దివీజ్ శరణ్ పోరు ముగిసింది. డబుల్స్‌ తొలి రౌండ్‌లో భారత ఆటగాడు లియాండర్‌ పేస్‌-డ్యురన్‌ (అర్జెంటీనా) జోడీ 5-7, 2-6తో కెమెనొవిక్‌ (సెర్బియా)-కాస్పెర్‌ రుడ్‌(నార్వే) జోడీ చేతిలో ఓడగా... దివిజ్‌ శరణ్‌-హ్యూగో నిస్‌ (మొనాకొ) జంట 4-6, 4-6తో రాబర్ట్‌ కార్బలెస్‌-ఫెడెరికో డెల్బనిస్‌ (క్రొయేషియా) జోడీ చేతిలో ఓడింది.