ట్విట్టర్ ద్వారా
ఇటీవల ఆర్టీపీఆర్ టెస్టులు చేయించుకోగా తనకు పాజిటివ్గా తేలిందని, ప్రస్తుతం గడ్డు కాలాన్ని ఎదుర్కొంటున్నానని ట్విట్టర్ ద్వారా అభిమానులతో పంచుకున్నాడు. అయితే త్వరలోనే కోలుకుంటానని ఆత్మవిశ్వాసం వ్యక్తం చేశాడు. కరోనా సోకండంతో తాను భవిష్యతుల్లో జరగబోయే టోర్నీలో పాల్గొంటానా? లేదా? అనేది త్వరలోనే సమాచారం అందిస్తానని తెలిపాడు. కాగా తనతో సన్నిహితంగా మెలిగినవారంతా కరోనా పరీక్షలు చేయించుకోవాలని ఈ సందర్భంగా నాదల్ కోరాడు.
ఆస్ట్రేలియన్ ఓప్న్లో ఆడేది డౌటే!
35 సంవత్సరాల నాదల్ కొంత కాలంగా కాలి గాయంతో బాధపడుతున్నాడు. దీనికి తోడు ప్రస్తుతం కరోనా కూడా సోకింది. దీంతో వచ్చే నెలలో జరగనున్న ఆస్ట్రేలియన్ ఓపెన్లో నాదల్ ఆడుతాడా? లేదా? అనేది తెలియాల్సి ఉంది. కాగా కాలి గాయం కారణంగా ఇప్పటికే నాదల్ పలు మేజర్ టోర్నీలకు దూరమయిన సంగతి తెలిసిందే. ఆస్ట్రేలియన్ ఓపెన్ జనవరి 17 నుంచి ప్రారంభం కానుంది.
ఫెదరర్ సరసన నాదల్
కెరీర్లో ఇప్పటికే 20 గ్రాండ్ స్లామ్లు నెగ్గిన రఫెల్ నాదల్.. అత్యధిక గ్రాండ్ స్లామ్లు నెగ్గిన రోజర్ ఫెదరర్తో సమంగా ఉన్నాడు. దీంతో ఇంకోక్క గ్రాండ్ స్లామ్ నెగ్గితే టెన్నిస్లో అత్యధిక గ్రాండ్ స్లామ్లు నెగ్గిన ఆటగాడిగా నాదల్ టెన్నిస్ చరిత్రలో నిలిచిపోతాడు. తన కెరీర్లో తొలి గ్రాండ్ స్లామ్ను 2005లో నెగ్గిన నాదల్, చివరి గ్రాండ్ స్లామ్ను 2020లో నెగ్గాడు.
ఈ రెండు ఫ్రెంచ్ ఓపెన్ గ్రాండ్ స్లామ్లే కావడం గమనార్హం. కెరీర్లో నాదల్ అత్యధికంగా ఫ్రెంచ్ ఓపెన్ను 13 సార్లు గెలిచాడు. ఇక యూఎస్ ఓపెన్ను 4 సార్లు, వింబుల్డన్ ఓపెన్ను రెండు సార్లు, ఆస్ట్రేలియన్ ఓపెన్ను ఒక సారి గెలిచాడు. అంతేకాకుండా సుదీర్ఘ కాలం నంబర్ వన్ ర్యాంకులో నిలిచిన ఆటగాడిగా కూడా నాదల్ నిలిచాడు.