Click it and Unblock the Notifications
ఫ్రెంచ్ ఓపెన్లో షరపోవాకు సీడింగ్
కాగా, తాజా విజయంతో షరపోవా టాప్-32 ర్యాంక్లోపు చోటు దక్కించుకోనుంది. దీని ఫలితంగా రానున్న ఫ్రెంచ్ ఓపెన్లో షరపోవాకు సీడింగ్ దక్కనుంది. శనివారం జరిగే సెమీ ఫైనల్లో మరియా షరపోవా వరల్డ్ నంబర్ వన్ సిమోనా హలెప్తో తలపడనుంది.
శుక్రవారం జరిగిన రెండోరౌండ్ మ్యాచ్లో పక్కటెముల
గాయంతో అమెరికాకు చెందిన మాడిసన్ కైస్ తప్పుకోవడంతో హలెప్ ముందంజ వేసింది. మూడుసెట్లపాటు సాగిన రెండోరౌండ్ మ్యాచ్లో ప్రపంచ నంబర్ టూ, డెన్మార్క్ అమ్మాయి కరోలినా వోజ్నియాకి ఇటాలియన్ ఓపెన్ క్వార్టర్స్ చేరుకుంది. లాత్వియాకు చెందిన అనస్టాసిజా సెవాస్స్టోవాను 6-2,5-7,6-3 స్కోరుతో కాస్త కష్టపడి విజయం సాధించింది. తద్వారా 2011 తర్వాత తొలిసారిగా ఈ టోర్నీలో తుది ఎనిమిది జాబితా చేరింది. క్వార్టర్స్లో ఎస్తోనియాకు చెందిన అన్నెట్ కొంటావిట్తో తలపడనుంది.
1999లో టోర్నీ విజేతగా వీనస్ విలియమ్స్
రెండోరౌండ్ మ్యాచ్లో అమెరికాకు చెందిన మాజీ ప్రపంచ నంబర్వన్ వీనస్ విలియమ్స్పై 6-2,7-6(7-3)స్కోరుతో కొంటావిట్ విజయం సాధించింది. 1999లో వీనస్ విలియమ్స్ ఈ టోర్నీ చాంపియన్గా నిలిచింది. దాదాపు రెండు దశాబ్దాలు గడిచినా మళ్లీ ఇంతవరకు వీనస్ ఇటాలియన్ సాధించడంలో విఫలం కావడం విశేషం.
సెమీ ఫైనల్కు చేరిన రఫెల్ నాదల్
మరోవైపు నాలుగో ర్యాంకర్ స్వితోలినా (ఉక్రెయిన్) 6-4, 6-4తో మాజీ నంబర్వన్ కెర్బర్ (జర్మనీ)ను ఓడించి సెమీస్లోకి ప్రవేశించింది. ఇక, పురుషుల సింగిల్స్లో స్పెయిన్ స్టార్ రఫెల్ నాదల్ సెమీఫైనల్ చేరాడు. పురుషుల క్వార్టర్స్లో స్థానిక ఇటలీ ఆటగాడు ఫాబియో ఫోగనినిపై 4-6, 6-1, 6-2 స్కోరుతో విజయం సాధించి క్లే కోర్టులో ఎదురులేదని నిరూపించుకున్నాడు. తొలిసెట్లో 4-6తో ఓటమితో ఒక్కసారిగా జూలు విదిల్చాడు. వరుసగా రెండుసెట్లను తనదైన స్టైల్లో ముగించి సగర్వంగా సెమీస్ చేరుకున్నాడు.
Continue with Google