సానియా రెండో ఇన్నింగ్స్‌.. ఇక సాధించేవన్నీ బోనస్‌లే

నిరూపించుకోవాల్సిందేమీ లేదు:

తాజాగా సానియా మాట్లాడుతూ... 'కెరీర్‌లో చాలా సాధించా. ఇన్ని ఘనతలు సాధిస్తానని కలలో కూడా అనుకోలేదు. ఆగస్టులో పునరాగమనం చేస్తానని అనుకున్నా. కానీ కుదర్లేదు. పూర్తిస్థాయిలో ఫిట్‌నెస్‌ సాధించిన తర్వాతే ఆడాలని భావిస్తున్నా. బహుశా జనవరిలో బరిలో దిగుతా. రెండో ఇన్నింగ్స్‌లో కొత్తగా నిరూపించుకోవాల్సిందేమీ లేదు. ఇక సాధించేవన్నీ బోనస్‌లే' అని సానియా పేర్కొంది.

ఆటపై ప్రేమతో మాత్రమే:

'కేవలం ఆటపై ప్రేమతో మాత్రమే పునరాగమనం చేయాలనుకుంటున్నా. ఇప్పుడు ఇజ్‌హాన్‌ నా ప్రపంచం. ఇజ్‌హాన్‌ కడుపులో ఉండగా 23 కిలోలు బరువు పెరిగా. ఇప్పుడు 26 కిలోలు తగ్గా. సరైన ఫిట్‌నెస్‌ కోసం ప్రయత్నిస్తున్నా. ఇప్పటికి శరీరంలో మార్పులు చూస్తున్నా. మరో రెండు నెలల్లో ఫిట్‌నెస్‌ సాధిస్తా. ఫిట్‌నెస్‌ విషయంలో తొందరపడి గాయాల పాలవడం సరైంది కాదు' అని సానియా తెలిపింది.

కెప్టెన్‌గా ఆ హక్కు కోహ్లీకి ఉంది.. అతని అభిప్రాయాన్ని గౌరవించాలి

పెద్ద లక్ష్యాలేం పెట్టుకోలేదు:

'తల్లి అయ్యాక కొందరు మాత్రమే ఆటలో రాణించారు. ఈ తరంలో సెరెనా ఒకరు. సెకండ్‌ ఇన్నింగ్స్‌ ప్రారంభించాలనుకునే వారికి సెరెనా స్ఫూర్తిగా నిలుస్తుంది. 2017లో ఆటకు దూరమయ్యే సమయంలోనే మోకాలి గాయమైంది. అది ఇంకా పూర్తిగా తగ్గలేదు. దానిపై శ్రమిస్తున్నా. పునరాగమనం చేయడమే నా ఆశ. పెద్ద లక్ష్యాలేం పెట్టుకోలేదు. బాగా ఆడితే టోక్యో ఒలింపిక్స్‌పై దృష్టిసారిస్తా' అని సానియా చెప్పుకొచ్చారు.