టాప్ కాపాడుకోవాలంటే సెమీస్కు చేరాల్సిందే
హలెప్ టాప్ర్యాంక్ను కాపాడుకోవాలంటే ఈ టోర్నీలో కనీసం సెమీస్ వరకు చేరాల్సి ఉంది. మహిళల సింగిల్స్ రెండోరౌండ్లలో సీడెడ్ క్రీడాకారిణిలు అంచనాలు అందుకున్నారు. ఈ ఏడాది ఆస్ట్రేలియన్ ఓపెన్ సాధించి కెరీర్లో తొలి గ్రాండ్స్లామ్ టైటిల్ సాధించిన డెన్మార్క్ స్టార్ కరోలైన్ వొజ్నియాకి అదే జోరును ఫ్రెంచ్ ఓపెన్లో కొనసాగిస్తోంది.
మూడో రౌండ్లోకి ప్రవేశించిన వొజ్నియాకి
సీజన్ రెండో గ్రాండ్స్లామ్ టోర్నీ అయిన ఫ్రెంచ్ ఓపెన్లో వొజ్నియాకి మూడో రౌండ్లోకి ప్రవేశించింది. గార్సియా పెరెజ్ (స్పెయిన్)తో బుధవారం జరిగిన మహిళల సింగిల్స్ రెండో రౌండ్లో రెండో సీడ్ వొజ్నియాకి 6-1, 6-0తో అలవోకగా గెలిచింది. 51 నిమిషాల్లోనే ముగిసిన ఈ మ్యాచ్లో వొజ్నియాకి తన ప్రత్యర్థికి కేవలం ఒక గేమ్ మాత్రమే కోల్పోయింది.
మూడోరౌండ్లోకి అడుగుపెట్టిన జొకొవిచ్
రెండో రౌండ్ మ్యాచ్ల్లో నాలుగో సీడ్ స్వితోలినా (ఉక్రెయిన్) 6-3, 6-4తో కుజ్మోవా (స్లొవేకియా)పై, ఎనిమిదో సీడ్ క్విటోవా (చెక్ రిపబ్లిక్) 6-0, 6-4తో అరూబెరెనా (స్పెయిన్)పై నెగ్గి మూడో రౌండ్లో అడుగు పెట్టారు. ఇక, పురుషుల సింగిల్స్లో మాజీ చాంపియన్ జొకోవిచ్ 7-6 (7/1), 6-4, 6-4తో మునార్ (స్పెయిన్)పై, ఎనిమిదో సీడ్ గాఫిన్ (బెల్జియం) 7-5, 6-0, 6-1తో మూటెట్ (ఫ్రాన్స్)పై విజయం సాధించారు.
కష్టపడి గెలిచిన బెనోయిట్ పెయిర్
రెండో రౌండ్లో జ్వెరెవ్ 2-6, 7-5, 4-6, 6-1, 6-2తో లాజోవిక్ (సెర్బియా)పై, దిమిత్రోవ్ 6-7 (2/7), 6-4, 4-6, 6-4, 10-8తో డొనాల్డ్సన్ (అమెరికా)పై, నిషికోరి 6-3, 2-6, 4-6, 6-2, 6-3తో బెనోయిట్ పెయిర్ (ఫ్రాన్స్)పై కష్టపడి గెలిచారు. 12వ సీడ్ సామ్ క్వెరీ (అమెరికా) 6-1, 6-7 (3/7), 4-6, 1-6తో సిమోన్ (ఫ్రాన్స్) చేతిలో ఓడిపోయాడు.