27ఏళ్ల యువతితో సహజీవనం
23 ఏళ్ల వయసులోనే అలెగ్జాండర్ జ్వెరెవ్ తండ్రి కాబోతున్నాడా అంటే?.. అతని మాజీ ప్రేయసి బ్రెండా పాటియా వ్యాఖ్యల ప్రకారం అది నిజమేనని తెలుస్తోంది. తనకంటే రెండేళ్లు పెద్దదయిన బ్రెండా (27 ఏళ్లు)తో జ్వెరేన్ ఏడాది పాటు సహజీవనం చేశాడు. ఇద్దరి మధ్య అభిప్రాయాలు కలవకపోవడంతో ఈ ఏడాది ఆగస్టులో విడిపోయారు. అయితే తాను గర్భంతో ఉన్నానని, దానికి కారణం జ్వెరెవ్ అని తాజాగా గాలాకు ఇచ్చిన ఇంటర్వ్యూలో బ్రెండా తెలిపారు.
జ్వెరెవ్ కారణంగానే బిడ్డకు జన్మనివ్వబోతున్నా
తాజాగా గాలాకు ఇచ్చిన ఇంటర్వ్యూలో బ్రెండా పాటియా మాట్లాడుతూ... 'జ్వెరెవ్తో ఏడాది పాటు సహజీవనం చేశా. నేనిప్పుడు 20 వారాల గర్భవతిని. జ్వెరెవ్ కారణంగానే బిడ్డకు జన్మనివ్వబోతున్నా. జీవితంపై మాకు విభిన్న ఆలోచనలు ఉండడంతో కలిసి ఉండలేక విడిపోయాం. పుట్టబోయే బిడ్డను అతని దగ్గర ఉంచను. సొంతంగా బిడ్డ బాధ్యతను చూసుకునే స్థాయిలో ఉండడం నా అదృష్టం' అని పేర్కొన్నారు. బ్రెండా వ్యాఖ్యలపై జ్వెరెవ్ ఇంకా స్పందించలేదు.
ఫైనల్కు చేరుకున్న మొదటి జర్మన్ ఆటగాడు
అలెగ్జాండర్ జ్వెరెవ్ ఈ ఏడాది యుఎస్ ఓపెన్ ఫైనల్ ఆడిన విషయం తెలిసిందే. 1994 తర్వాత యూఎస్ ఓపెన్ సింగిల్స్ ఫైనల్కు చేరుకున్న మొదటి జర్మన్ ఆటగాడిగా అలెగ్జాండర్ జ్వెరెవ్ నిలిచాడు. 1994లో మైఖేల్ స్టిచ్ యూఎస్ ఫైనల్లో ఆడాడు. 26 ఏళ్ల తర్వాత జ్వెరెవ్ యూఎస్ ఓపెన్ సింగిల్స్ ఫైనల్ ఆడాడు. అయితే ఫైనల్లో జ్వెరెవ్ ఓటమిపాలయ్యాడు. హోరాహోరీగా జరిగిన ఫైనల్లో డొమినిక్ థీమ్ 2-6, 4-6, 6-4, 6-3, 7-6 (8-6) తేడాతో జ్వెరెవ్పై గెలిచాడు.తొలి రెండు సెట్లను గెలిచి కూడా మ్యాచ్ని ఓడిపోవడం జ్వెరెవ్కు కెరీర్లో ఇదే తొలిసారి.
MI vs RCB: జస్ప్రీత్ బుమ్రా అరుదైన ఘనత.. తొలి, వందో వికెట్గా విరాట్ కోహ్లీ!!