Tokyo Olympics: రెండో రోజు.. భారత అథ్లెట్ల షెడ్యూల్ ఇదే.. బరిలో తెలుగు తేజాలు!

What To Watch Today July 24 Tokyo Olympics Indian Schedule And Events

టోక్యో: యావత్ క్రీడా ప్రపంచం ఎప్పుడెప్పుడా అని ఎదురు చూసిన ఒలింపిక్స్ ఘనంగా ప్రారంభమయ్యాయి. ఇక టోక్యో ఒలింపిక్స్లో రెండో రోజు(జులై 24) భారత అథ్లెట్లు మొత్తం 10 ఈవెంట్స్‌లో పోటీపడనున్నారు. అందులో మెడల్ ఆశిస్తున్న షూటింగ్ ఈవెంట్ కూడా ఉంది. ఉదయం 5 గంటలకే ఈ పోటీలు ప్రారంభంకానున్నాయి. ఆర్చరీ మిక్స్డ్ ఎలిమినేషన్ రౌండ్లో అతాను దాస్, దీపికా కుమారి బరిలోకి దిగనున్నారు. మరోవైపు భారత పురుషుల హాకీ టీమ్ న్యూజిలాండ్ జట్టుతో పోటీ పడనుండగా... మహిళల హాకీ టీమ్ నెథర్లాండ్స్‌తో తలపడే అవకాశం ఉంది. వీరితో పాటు మహిళల హాకీ, బాక్సింగ్, బ్యాడ్మింటన్, రోయింగ్, షూటింగ్, వెయిట్ లిఫ్టింగ్ వంటి క్రీడల్లో భారథ అథ్లెట్లు పాల్గొననున్నారు.

శనివారం జరగనున్న టెన్నిస్ పోటీల్లో తెలుగు తేజాలు కూడా బరిలో దిగనున్నారు. టెన్నిస్ మహిళల డబుల్స్లో సానియా మీర్జా, అంకితా రైనా ఆడనుండగా.. పురుషుల సింగిల్స్లో సుమిత్ నగాల్ పోటీపడనున్నాడు. మరోవైపు బ్యాడ్మింటన్ డబుల్స్లో సాత్విక్ సాయిరాజ్ రాంకిరెడ్డి, చిరాగ్ శెట్టి ద్వయం పోటీ పడనుంది.

ఒలింపిక్స్‌లో రెండో రోజు భారత షెడ్యూల్

1.ఈక్వెస్ట్రైన్- వ్యక్తిగత డ్రెస్సెజ్ గ్రాండ్ ప్రిక్స్ డే1

2. షూటింగ్- మహిళల 10 మీటర్లు ఎయిర్ రైఫిల్ క్వాలిఫికేషన్స్- ఉదయం 5 గంటలకు

3. టేబుల్ టెన్నిస్- పురుషుల సింగిల్స్ ప్రిలిమినరీ రౌండ్ -ఉదయం 5.30 గంటలకు

4.టేబుల్ టెన్నిస్- మహిళల సింగిల్స్ ప్రిలిమినరీ రౌండ్- ఉదయం 5.30 గంటలకు

5. ఆర్చరీ- మిక్స్‌డ్ టీమ్ రౌండ్ ఆఫ్ 16- ఉదయం 6 గంటలకు

6. హాకీ- భారత పురుషులు vs న్యూజిలాండ్- ఉదయం 6.30 గంటలకు

7. షూటింగ్- మహిళల 10 మీటర్ల ఎయిర్ రైఫిల్ ఫైనల్ ఉదయం 7.15 నిమిషాలు

8. జూడో- మహిళల 48 కేజీ ఆల్‌రౌండర్స్- ఉదయం 7.30 గంటలకు

9. టేబుల్ టెన్నిస్- మిక్స్ డబుల్స్ రౌండ్ ఆఫ్ 16- ఉదయం 7.50 గంటలకు

10. రోయింగ్- పురుషుల లైట్ వెయిట్ డబుల్ స్కల్స్ హీట్స్- ఉదయం 7.50 గంటలకు

11. బాక్సింగ్- మహిళల వెల్టర్ వెయిట్- ఉదయం 8 గంటలకు