మెల్బోర్న్: రియో ఒలింపిక్స్లో 400 మీటర్ల ఫ్రీ స్టయిల్ స్విమ్మింగ్ విభాగంలో స్వర్ణ పతకం సాధించిన మ్యాక్ హోర్టన్ని అమితంగా అభిమానించే ఓ అభిమాని అతడికి పునర్జన్మను ప్రసాదించాడు. వివరాల్లోకి వెళితే... హోర్టన్కు ఓ అభిమాని ఉన్నాడు.
హోర్టన్ ప్రతి కదలికను అతడు జాగ్రత్తగా గమనిస్తుంటాడు. హోర్టన్ ఛాతిపై ఉన్న ఓ మచ్చను తీక్షణంగా పరిశీలిస్తూ వచ్చిన ఆ అభిమాని ఆస్ట్రేలియా స్విమ్మింగ్ కోచ్కు ప్రత్యేకంగా ఓ ఈ-మెయిల్ రాశాడు. అందులో అతడు హోర్టన్ ఛాతిపై అంచెలంచెలుగా పెరుగుతున్న మచ్చ గురించి ప్రత్యేకంగా పేర్కొన్నాడు.
గతంలో ఉన్న దానికంటే ఈ మధ్య కాలంలో హోర్టన్ ఛాతిపై ఆ మచ్చ పరిమాణం, రంగులో మార్పు వచ్చిందంటూ చెప్పడంతో హోర్టన్ దానిపై దృష్టి సారించాడు. ఇంకేముంది కోచ్ సలహా మేరకు వెంటనే చికిత్స కోసం డాక్టర్లను సంప్రదించాడు.
అయితే ఆ మచ్చ ప్రమాదకర చర్మ క్యాన్సర్ తాలూకా అని తేలింది. వెంటనే ఏ మాత్రం ఆలోచించకుండా వ్యాధికి శస్త్రచికిత్స చేయించుకున్నాడు. అనంతరం ఛాతిపై ఆపరేషన్ జరిగిందని ఆ అభిమానికి తెలిసేలా మ్యాక్ ఫొటోలను శుక్రవారం ఇన్స్టాగ్రామ్లో పోస్ట్ చేశాడు.
అంతేకాదు ఆ అభిమానికి ధన్యవాదాలు తెలుపుతూ సందేశాన్ని కూడా పోస్టు చేశాడు. చాతీపై ఉన్న మచ్చపై ప్రత్యేక శ్రద్ధ వహించమని మా స్విమ్మింగ్ టీమ్ కోచ్కు అభిమాని మెయిల్ పంపాడు. అది ప్రమాదకర చర్మ క్యాన్సర్ వ్యాధిని గుర్తించిన ఆ అభిమాని చేసిన సూచన వెలకట్టలేనిది అంటూ రాశాడు.
Shout out to the person that emailed the swim team doctor and told me to get my mole checked… https://t.co/f9plcNjqCn
— Mack Horton (@_mackhorton) October 21, 2016
ఇదిలా ఉంటే ప్రపంచంలోనే అత్యధిక చర్మ క్యాన్సర్ బారిన పడుతున్న దేశాల్లో ఆస్ట్రేలియా ఒకటి. దేశ జనాభాలో దాదాపు 66 శాతం మంది ప్రజలు ఈ వ్యాధికి గురవుతున్నట్లు తేలింది. ప్రతి ఏడాది రెండు వేల మందికి పైగా చర్మ క్యాన్సర్తో చనిపోతున్నట్లు వైద్య నివేదికల్లో వెల్లడైంది.
సూర్యని కిరణాల్లో ఉండే ప్రమాదకర అతినీలలోహిత (యువీ రేడియేషన్) ప్రభావంతోనే అత్యధిక మంది చర్మ క్యాన్సర్ వ్యాధి బారిన పడుతుంటారు.