అంజుమ్ మౌద్గిల్
పంజాబ్కు చెందిన 24 ఏళ్ల అంజుమ్ మౌద్గిల్ భారత షూటింగ్లో సంచలన విజయాలతో దూసుకుపోతోంది. కామన్వెల్త్ షూటింగ్ జట్టులో 10 మీటర్ల ఎయిర్ రైఫిల్, 50 మీటర్లు(3 పొజిషన్), 50 మీటర్ల (ప్రోన్) విభాగాల్లో భారత్ తరఫున ప్రాతినిథ్యం వహిస్తోంది. 2010 నుంచి షూటింగ్లో అద్భుత విజయాలను సాధిస్తోంది. ఇటీవల మెక్సికోలో ముగిసిన ఐఎస్ఎస్ఎఫ్ షూటింగ్ వరల్డ్ కప్లో రజతం సాధించింది. విపరీతమైన పెనుగాలులతో ఇబ్బంది ఎదురైనా 50 మీ(3 పొజిషన్) రైఫిల్ ఈవెంట్లో పతకం సాధించడంతోపాటు.. తొలిసీజన్ వరల్డ్ కప్ పతకాలపట్టికలో మనకు తొలిస్థానం దక్కడంలో అంజుమ్ కీలకపాత్ర పోషించింది.
మను భకర్
హర్యానాలోని జాహజ్జర్కు చెందిన మను భకర్ ఇప్పుడు భారత షూటింగ్లో అద్భుత ప్రదర్శన చేస్తోన్న యువ క్రీడాకారిణి. 16 ఏళ్ల మను భకర్ తన అంతర్జాతీయ అరంగేట్రంలోనే 10 మీటర్ల ఎయిర్ పిస్టల్లో స్వర్ణంతో మెరిసింది. మిక్స్డ్ టీమ్ ఈవెంట్లో ఓం ప్రకాశ్ మిత్రాల్తో కలిసి మరో పసిడిని సాధించింది. కామన్వెల్త్ గేమ్స్లో పాల్గొనడంపై మను భకర్ మాట్లాడుతూ 'మెక్సికోలో రెండు స్వర్ణాలు గెలిచినందుకు చాలా సంతోషంగా ఉంది. నా కెరీర్లో ఇదే మొదటి ప్రపంచకప్. రాబోయే టోర్నీలో మరింత మెరుగైన ప్రదర్శన చేయాలని భావిస్తున్నా' అని మను పేర్కొంది. తిరువనంతపురంలో జరిగిన నేషనల్స్లో ఈ అమ్మాయి 9 స్వర్ణాలతో కలిపి మొత్తం 15 పతకాలు సొంతం చేసుకుంది.
మెహులీ ఘోష్
షూటింగ్ నేర్చుకుంటున్న దశలో బెంగాల్లోని శ్రీరాంపూర్ రైఫిల్ క్లబ్ తరఫున బరిలోకి దిగిన మెహులీ ఓసారి మిస్ఫైర్ చేసింది. చిన్న కుగ్రామం నుంచి వచ్చిన మెహులీ కోల్కతాలోని కర్మాకర్ అకాడమీలో చేరిన తర్వాత ఈమె ప్రతిభ జాతీయస్థాయిలో మార్మోగింది. ప్రతి రోజు లోకల్ ట్రైన్లో నాలుగు గంటలు ప్రయాణం చేసి మరి శిక్షణ తీసుకుంది. గుడలాజారియాలో జరిగిన ఓ టోర్నీలో రెండు కాంస్యాలు గెలిచిన తర్వాత షూటింగ్లో తనకంటూ ఓ ప్రత్యేక స్థానాన్ని ఏర్పరచుకుంది. 2016 నేషనల్స్లో రెండు పతకాలు.. 2017లో ఏకంగా 8 పతకాలు సాధించి అందరిని ఆశ్చర్యపరిచింది. జపాన్లో జరిగిన ఆసియా ఎయిర్గన్ చాంపియన్షిప్లో యూత్ కేటగిరీలో స్వర్ణం పతకం సాధించింది.
అనిశ్ భన్వాలా
హర్యానాకు చెందిన 15 ఏళ్ల అనిశ్ భన్వాలా సంచలన విజయాలతో భారత షూటింగ్ ఆశా కిరణంగా మారాడు. గతేడాది జర్మనీలో జరిగిన జూనియర్ ప్రపంచకప్ షూటింగ్లో 25 మీటర్ల ర్యాపిడ్ ఫైర్ పిస్టల్ విభాగంలో ప్రపంచ రికార్డుతో సంచలనం సృష్టించాడు. అంతేకాదు.. ఒలింపియన్ గురుప్రీత్సింగ్ ఇతర సీనియర్ షూటర్లు పాల్గొన్న జాతీయ షూటింగ్ చాంపియన్షిప్లోనూ 25 మీటర్ల ర్యాపిడ్ ఫైర్ పిస్టల్ విభాగంలో స్వర్ణం సాధించాడు. మెక్సికోలో ముగిసిన ప్రపంచకప్ షూటింగ్ ఈవెంట్లోనూ అద్భుతంగా రాణించి ఆకట్టుకున్నాడు. తాజాగా కామన్వెల్త్ గేమ్స్లో పాల్గొనే భారత షూటర్ల బృందంలో చోటు దక్కించుకున్నాడు.
షూటింగ్లో 30 ఈవెంట్లలో పాల్గొంటోన్న భారత్
కామన్వెల్త్ గేమ్స్లో పాల్గొనేందుకు చాలా దేశాలు ఆసక్తిని తగ్గించుకోవడంతో షూటింగ్లో భారత్ 27 అంశాలకు బదులుగా 30 ఈవెంట్లలో పాల్గొంటొంది. 15 మంది పురుషులు, 12 మంది మహిళల బృందంతో భారత్ షూటింగ్ బరిలోకి దిగుతుంది.
భారత జట్టు:
పురుషులు (15):
* 50m Rifle 3 Position: Sanjeev Rajput, Chain Singh
* 50m Rifle Prone: Chain Singh, Gagan Narang
* 10m Air Rifle: Ravi Kumar, Deepak Kumar
* 25m Rapid Fire Pistol: Anish, Neeraj Kumar
* 50m Free Pistol: Jitu Rai, Om Prakash Mitharwal
* 10m Air Pistol: Jitu Rai, Om Prakash Mitharwal
Trap: Manavjit Singh Sandhu, Kynan Chenai
Double Trap: Mohd Asab, Ankur Mittal
Skeet: Smit Singh, Sheeraj Sheikh
మహిళలు (12):
* 50m Rifle 3 Position: Anjum Moudgil, Tejaswini Sawant
* 50m Rifle Prone: Anjum Moudgil, Tejaswini Sawant
* 10m Air Rifle: Apurvi Chandela, Mehuli Ghosh
* 25m Sports Pistol: Heena Sidhu, Annuraj Singh
* 10m Air Pistol: Heena Sidhu, Manu Bhaker
Trap: Shreyasi Singh, Seema Tomar
Double Trap: Shreyasi Singh, Varsha Varman
Skeet: Saniya Sheikh, Maheshwari Chauhan.