హాకీ వరల్డ్ కప్ కోసం సిద్ధమైన మస్కట్
ఈ టైటిల్ సాంగ్ భారత దేశ హాకీ చరిత్రతో పాటు హాకీ ప్రాముఖ్యాన్ని తెలిపేలా చక్కటి సాహిత్యంతో పాటు ఓ రిథమలో ఉండబోతోందని సమాచారం. తాజాగా ఈ హాకీ వరల్డ్కప్ 2018కు సంబంధించి మరో విషయం బయటకు వచ్చింది. ఈ వరల్డ్కప్లో అభిమానులను అలరించేందుకు మస్కట్ సిద్దమైంది.
|
మస్కట్ పేరు ‘ఓల్లీ'
ఒడిషా రాష్ట్ర ముఖ్యమంత్రి నవీన్ పట్నాయక్ తన అధికారిక ట్విట్టర్ ద్వారా మస్కట్ ‘ఓల్లీ' తుది డిజైన్ను ఆవిష్కరించారు. "ఇన్నాళ్లు ఇసుక గూడులో దాక్కున్న ఓలివ్ రిడ్లే... హాకీ వరల్డ్కప్ కోసం ఈ ప్రపంచంలోకి రా" అంటూ నవీన్ పట్నాయక్ ట్వీట్ చేశారు. ఒడిషాలో సముద్ర తీరంలో కనిపించే అతి అరుదైన ఓలివ్ రిడ్లే తాబేలును హాకీ వరల్డ్కప్ కోసం మస్కట్గా ఎంచుకోవడం విశేషం.
అరుదైన సముద్ర తాబేలే ఈ 'ఓల్లీ'
అంతరించేపోయే పరిస్థితిలో ఉన్న ఈ అరుదైన సముద్ర తాబేళ్ల నివాస ప్రాంతాలను సంరక్షించేందుకు ఒడిషా ప్రభుత్వం గత కొన్నాళ్లుగా కృషి చేస్తోంది. ఆ ప్రయత్నాన్ని ప్రపంచానికి తెలియచేసి, ప్రజల్లో అవగాహన కల్పించాలనే ఉద్దేశంతో ఓలివ్ రిడ్లే తాబేలును మస్కట్గా ఎంచుకున్నట్టు సీఎం నవీన్ పట్నాయక్ ట్విట్టర్లో తెలిపారు.
తొలి మ్యాచ్లో భాగంగా దక్షిణాఫ్రికాతో తలపడనున్న భారత్
ఇక, టోర్నీలో భాగంగా పూల్-సిలో ఉన్న టీమిండియా నవంబర్ 28న తన తొలి మ్యాచ్ని దక్షిణాఫ్రికా జట్టుతో తలపడనుంది. ఆ తర్వాత డిసెంబర్ 2న బెల్జియంతో, డిసెంబర్ 8న కెనడాతో తలపడనుంది. హాకీ వరల్డ్ కప్కు భారత్ మూడోసారి ఆతిథ్యమిస్తోంది. గతంలో 1982లో ముంబైలో, 2010లో ఢిల్లీ నగరాలు ఆతిథ్యమిచ్చాయి.