మహిళలు నేరుగా స్టేడియాలలో మ్యాచ్లు చూసేలా
ఇరాన్ జట్టు అప్పుడే వెనుదిరగడంతో అభిమానులు తీవ్రంగా నిరాశకు గురయ్యారు. ఐదోసారి ప్రపంచకప్ ఆడుతున్న తమ జట్టు కనీసం నాకౌట్కు కూడా అర్హత సాధించలేకపోవడం అక్కడి అభిమానుల్ని తీవ్రంగా కలచివేసింది. ఈ క్రమంలో కొందరు అభిమానులు ఆటగాళ్ల వైఫల్యంతోనే జట్టు ఓడిపోయిందంటూ పరోక్షంగా వ్యాఖ్యలు చేయడం మొదలుపెట్టారు.
అంతర్జాతీయ ఫుట్బాల్ నుంచి వైదొలగుతున్నట్లు
దీంతో కలత చెందిన ఆ జట్టు కీలక ఆటగాడు సర్దార్ అజ్మౌన్(23) తాజాగా అంతర్జాతీయ ఫుట్బాల్ నుంచి వైదొలగుతున్నట్లు ప్రకటించాడు. ఈ సందర్భంగా అజ్మౌన్ మాట్లాడుతూ..‘ఓ ఆటగాడిగా జాతీయ జట్టుకు ప్రాతినిధ్యం వహించడం ఎంతో గర్వకారణంగా భావించాను. కానీ దురదృష్టవశాత్తు జాతీయ జట్టుకు వీడ్కోలు పలకాలని నేను అనుకుంటున్నా. 23ఏళ్ల వయస్సులోనే ఇలాంటి నిర్ణయం తీసుకోవడం ఎంతో బాధాకరమైన విషయమే. కానీ కొన్ని వ్యక్తిగత కారణాలతో తప్పక వీడ్కోలు పలకాలని నిర్ణయించుకున్నట్లు' అతను తెలిపాడు
ప్రపంచకప్కు అర్హత సాధించిన తొలి జట్టు ఇరాన్
ఫిఫా దశలో గ్రూప్ దశలో మ్యాచ్లన్నీ దాదాపు ముగింపు చేరుకున్నాయి. ప్రస్తుతానికి గ్రూప్-జి, హెచ్ మినహా మిగతా గ్రూప్ల నుంచి మొదటి రెండు స్థానాలలో నిలిచిన జట్లు నాకౌట్కు అర్హత సాధించాయి. అయితే ఆసియా నుంచి ప్రపంచకప్కు అర్హత సాధించిన తొలి జట్టు ఇరాన్ ఒక విజయం, ఒక డ్రాతో గ్రూప్-బిలో మూడో స్థానంతో సరిపెట్టుకొని వరల్డ్కప్నుంచి నిష్క్రమించింది.
ఇరాన్ గ్రూప్ దశలోనే ఇంటిముఖం పట్టాల్సి
మొరాకోతో జరిగిన మొదటి మ్యాచ్లో అనూహ్య విజయంతో(మొరాకో ఆటగాడి సెల్ఫ్గోల్) గట్టెక్కిన ఇరాన్.. ఆ తర్వాత స్పెయిన్తో మ్యాచ్లో ఓడిపోయి, పోర్చుగల్తో మ్యాచ్ను డ్రాగా ముగించింది. మొత్తంగా నాలుగు పాయింట్లకే పరిమితం కావడంతో ఇరాన్ గ్రూప్ దశలోనే ఇంటిముఖం పట్టాల్సి వచ్చింది.