ప్రపంచంలోనే అత్యంత ఖరీదైన కారు కొన్న రొనాల్డో.. ధర తెలిస్తే షాకే!!

గంటకు 380 కిలోమీటర్ల వేగం:

కారు కొన్న విషయాన్ని సామాజిక మాధ్యమం ద్వారా క్రిస్టియానో రొనాల్డో అభిమానులతో పంచుకున్నాడు. కారుతో తాను దిగిన ఫొటోను రొనాల్డో ఇన్​స్టాగ్రామ్​లో పోస్ట్ చేశాడు. లా వాచ్యూర్‌ ఎన్వైర్ మోడల్​లో 'బుగాటీ' 10 కార్లను మాత్రమే ప్రత్యేకంగా తయారు చేసింది. రొనాల్డో తనకు కావాల్సిన విధంగా ఈ కారును డిజైన్​ చేయించుకున్నాడు. ఈ కారు గంటకు 380 కిలోమీటర్ల వేగంతో దూసుకెళ్లగలదు. ఇక కేవలం 2.4 సెకన్లలోనే 60 కిలోమీటర్ల వేగాన్ని అందుకోలగదు.

ఇప్పటికే రూ. 264 కోట్ల విలువ చేసే కార్లు:

జువెంటస్​ స్టార్ క్రిస్టియానో రొనాల్డో గ్యారేజ్‌లో ఇప్పటికే దాదాపు 30 మిలియన్‌ యూరోలు (రూ. 264 కోట్లు) విలువ చేసే కార్లుండడం విశేషం. 35 ఏళ్ల క్రిస్టియానో మొత్తం రూ. 788 కోట్లతో ఈ ఏడాది అత్యధిక ఆర్జన కలిగిన ఆటగాళ్ల జాబితాలో రెండో స్థానంలో నిలిచిన సంగతి తెలిసిందే. ఇటీవలే అతడు రూ. 53 కోట్లతో అత్యంత అధునాతన విహార నౌకను కూడా కొనుగోలు చేశాడు. ఇక ఈ వారంలో ప్రారంభమయ్యే చాంపియన్స్​ లీగ్​లో జువెంటస్ తరఫున బరిలోకి దిగేందుకు రొనాల్డో సిద్ధమవుతున్నాడు.

విజయానికి సంకేతంగా:

రొనాల్డో తన జట్టును తమ 36వ సీరీ ఏ విజయానికి సంకేతంగా బుగాటిని కొనుగోలు చేయాలని నిర్ణయించారట. ఐదుసార్లు బాలన్ డీ ఓర్ విజేత అయిన రొనాల్డో.. తన గ్యారేజీలో కొత్త హైపర్ ‌కార్‌ను జోడించి జువెంటస్ తొమ్మిదవ వరుస సీరీ ఏ టైటిల్‌ను వేడుకలను జరుపుకున్నాడు. రియల్ మాడ్రిడ్ స్టార్ చిరోన్, వెయ్రోన్, లా వోయిచర్ నోయిర్‌లను ఇప్పటికే కలిగి ఉన్నందున రొనాల్డోకు బుగాటిపై ప్రేమ కొత్తేమీ కాదు.

బహుమతిగా మెర్సిడెస్ జి వాగన్:

ఈ ఏడాది ఫిబ్రవరిలో తన 35వ పుట్టినరోజు సందర్భంగా పోర్చుగీస్ ఫార్వర్డ్ క్రిస్టియానో రొనాల్డో తన భాగస్వామి జార్జినా రోడ్రిగెజ్ నుంచి బహుమతిగా 6 మిలియన్ల పౌండ్ల ఖరీదైన మెర్సిడెస్ జి వాగన్‌ను అందుకున్నాడు. ఇక బుగాటితో రొనాల్డో గ్యారేజీలో కార్ల సంఖ్య రోజురోజుకు పెరుగుతోంది.

ఐపీఎల్ 2020.. ఈనెల 20లోగా యూఏఈకి జట్లు!!