షాట్ మిస్సయితే ఎక్కడో అక్కడ దొరికిపోతాడు
"అప్పుడు స్లిప్, షార్ట్ కవర్స్ మీదుగా కవర్ డ్రైవ్ కొట్టడానికి ప్రయత్నిస్తాడు. షాట్ మిస్సయితే ఎక్కడో అక్కడ దొరికిపోతాడు. ఒకవేళ వికెట్ టు వికెట్ బంతిని విసిరితే మాత్రం కోహ్లీ రెండు వైపులా ఆడగలడు. రెండు వైపులా కాకుండా ఏదైనా ఒకవైపు ఫీల్డింగ్ సరిచేస్తే సరిపోతుంది. మంచి ఆటగాళ్లకు ఇలాగే బంతులేయాలి" అని క్రిక్ఇన్ఫోకి ఇచ్చిన ఇంటర్యూలో వార్న్ అన్నాడు.
నేరుగా బంతులు వేస్తే మాత్రం మూల్యం తప్పదు
ఒకవేళ వికెట్ తీస్తానని నేరుగా బంతులు వేస్తే మాత్రం మూల్యం చెల్లించక తప్పదు అని వార్న్ వివరించాడు. "సచిన్, లారా కంటే కోహ్లీ మెరుగైన ఆటగాడు. ఈ ప్రశ్నకు జవాబు రాబట్టేందుకు ప్రయత్నిస్తున్నా. క్రికెట్లో నేను చూసిన అత్యుత్తమ ప్లేయర్ డాన్ బ్రాడ్మన్. కానీ అతనితో పోలిక పెట్టలేం. తర్వాత వివ్ రిచర్డ్స్ అత్యుత్తమ ఆటగాడు" అని వార్న్ తెలిపాడు.
నేను ఆడిన వారిలో సచిన్, లారా ఉత్తమం
"నేను ఆడిన వారిలో సచిన్, లారా ఉత్తమం. ఇప్పుడు వీళ్లను మించిపోయాడు కోహ్లీ. సెంచరీల పరంగా సచిన్కు సమీపంగా వస్తున్నాడు. అయితే రికార్డులను బట్టి అంచనా వేయడం చాలా కష్టమే. వారి హయాంలో వాళ్లు ఎంత బాగా ఆడుతున్నారనే దానిని బట్టి ఉత్తమ ఆటగాళ్లను గుర్తించొచ్చు. ప్రస్తుతమైతే కోహ్లీని మించినొళ్లు లేరు. ఛేదనలో కోహ్లీ కొట్టిన సెంచరీలు చాలు అతని గురించి చెప్పడానికి" అని వార్న్ వ్యాఖ్యానించాడు.
వరుసగా కోహ్లీ రెండు సెంచరీలు
కాగా, 2016 నుంచి ఇప్పటివరకూ విరాట్ కోహ్లీ 59 ఇన్నింగ్స్లో 3985 పరుగులు చేశాడు. ఆస్ట్రేలియాతో ప్రస్తుతం జరుగుతోన్న ఐదు వన్డేల సిరిస్లో ఇప్పటికే రెండు సెంచరీలు చేసిన కోహ్లీ తన కెరీర్లో 41వ సెంచరీని నమోదు చేశాడు.