ఆటగాళ్లను సత్తా కనుగొనేందుకు యోయో!!

సెలక్షన్ ప్రక్రియలోని స్థితిగతులను మార్చేసిన యోయో:

యోయో సెలక్షన్ ప్రక్రియలోని స్థితిగతులను మార్చింది. దీనికి ముందు ఆటగాళ్లను ఫామ్ ఆధారంగా లెక్కించేవారు. ఆ సమయంలో ఎంపిక ఫిట్‌నెస్ వర్సెస్ టాలెంట్ అనే రీతిలో జరిగేవి. ఈ క్రమంలోనే సూపర్ ఫిట్‌గా ఉండే కపిల్ దేవ్ భారత జట్టులో ఆడి ఎన్ని పతకాలు తెచ్చిపెట్టాడో అందరికీ తెలిసిందే.

యోయో టెస్ట్ ఎలా పనిచేస్తుందంటే:

ఆటగాడిలో వేగాన్ని పరీక్షించేందుకు ఎరోబిక్ ఫిట్‌నెస్ సామర్థ్యంను కనుక్కునేందుకు ఇది నిర్వహిస్తారు. సన్నని వరుసల గుండా పరుగులు తీయడం ప్రస్తుత కండిషనింగ్ కోచ్ శంకర్ బసు పర్యవేక్షణలో దీనిని కొనసాగిస్తున్నారు. ఈ యోయో టెస్టులో 20మీ వత్యాసంతో కోన్ లాంటి పరికరాలను అమరుస్తారు. వాటికి అంటకుండా ఒక క్రమంలో ఎంత వేగంగా వెళ్తున్నారో దానిని పరిగణనలోకి తీసుకుంటారు.

యోయో హద్దు మారనుందా:

ఈ పరుగు జరుగుతున్నంతసేపు ఒక బీప్ వినబడుతుంది. నిమిషం పెరుగుతున్నంతసేపు బీప్ శబ్దం పెరుగుతూనే ఆటగాడిలో వేగం పెంచాలని సూచిస్తుంది. ఈ పరీక్షలో పాస్ మార్క్‌ను బీసీసీఐ ప్రమాణాల రీత్యా 16.1గా నిర్ణయించారు. అయితే ఇప్పుడు అది చాలదన్నట్లు 17.5వరకూ ఉండాలని కొత్త నియమాన్ని తీసుకొస్తున్నారు. ఇప్పటికే ఆస్ట్రేలియా వంటి దేశాల్లో ఈ మార్క్ 20గా ఉందిప్పుడు. ఇదే క్రమంలో సురేశ్ రైనా యోయోలో ఫెయిలైనందుకు గానూ, జట్టుకు దూరమైయ్యాడు. ఈ యోయో ముఖ్య ఉద్దేశ్యం జట్టులో త్వరగా ప్రత్యర్థిని ఎలా కట్టడి చేయాలోననే ఆలోచనలోనే ఉంటుంది.