నా జీవితాన్ని కాపాడుకోవడం కోసం మాత్రమ సచినే
"సచిన్, లారాలే ఉత్తమ బ్యాట్స్మెన్ అనడంలో ఎలాంటి సందేహం లేదు. వీరిద్దరిలో టెస్టు సిరీస్ ఆఖరి రోజు సెంచరీ చేయడం కోసం ఎవరినైనా బ్యాటింగ్ పంపాలనుకుంటే ముందు లారాను ఎంచుకుంటా. అయితే, నా జీవితాన్ని కాపాడుకోవడం కోసం ఎవరినైనా బ్యాటింగ్ పంపాల్సివస్తే మాత్రం నేను సచిన్నే నమ్ముకుంటా. అతడో అద్భుత బ్యాట్స్మన్" అని అన్నాడు.
చీకటి కోణాలను కూడా అభిమానులతో
దీంతో పాటు క్రికెట్లో కొన్ని చీకటి కోణాలను కూడా అభిమానులతో పంచుకున్నాడు. ప్రత్యర్థి జట్టు మాజీ క్రికెటర్ ఒకరు భారీ మొత్తం లంచం ఇవ్వడానికి యత్నించిన విషయాన్ని వార్న్ వెల్లడించాడు. ప్రధానంగా క్రికెటర్లతో ఉన్న రిలేషన్షిప్స్తో పాటు తన వైవాహిక జీవితంలో ఎదురైన చేదు అనుభవాలు గురించి పేర్కొన్నాడు.
ప్రతి అంశం గురించి క్షుణ్ణంగా వివరించా
"నా వ్యక్తిగత జీవితం, కుటుంబం, క్రికెట్ జీవితంలో జరిగినవాటిని పూర్తి నిజాయితీగా పుస్తకంలో పేర్కొన్నా. ప్రతి అంశం గురించి క్షుణ్ణంగా వివరించాను. ప్రత్యేకంగా ఐపీఎల్ 2008 ఎడిషన్ గురించి. ఆ టోర్నీలో సలీం మాలిక్ నాకు 2 లక్షల డాలర్లు ప్రతిపాదించాడు. బంతిని నేను వైడ్ వేయడం వల్ల మ్యాచ్ డ్రాగా ముగిస్తే అరగంటలో నా గదిలో 2 లక్షల డాలర్లు ఉంటాయని మాలిక్ చెప్పాడు" అని వార్న్ అందులో రాసుకొచ్చాడు.
ఓసారి కాసినోలో 5000 డాలర్లు నష్టపోయా
శ్రీలంకలో కూడా ఓసారి మార్క్ వా స్నేహితుడు డబ్బు ఆశజూపాడు. ఓసారి కాసినోలో 5000 డాలర్లు నష్టపోయాను. అప్పుడు మార్క్వా స్నేహితుడు నా దగ్గరికి వచ్చి.. ‘ఇదిగో 5000 డాలర్లు తీసుకో అన్నాడు'. నేను వద్దాన్నా వినలేదు. ఎలాంటి ఇబ్బంది లేదు.. ఎవరికీ తెలియదు అంటూ తన ప్రణాళికలు చెప్పే ప్రయత్నం చేశాడు'' అని వార్న్ వివరించాడు.
సిమోన్తో 10 ఏళ్ల దాంపత్యానికి ముగింపు పలకడం
ఇదిలా ఉంచితే, తన వైవాహిక జీవితంలో చోటు చేసుకున్న పరిణామాల గురించి వార్న్ వివరించాడు. ‘నా వైవాహిక జీవితం గురించి చెప్పుకోవాలంటే సిమోన్తో 10 ఏళ్ల దాంపత్యానికి ముగింపు పలకడం ఒకటైతే, అటు తర్వాత ఎలిజిబెత్ హర్లీతో తెగతెంపులు. ఈ రెండే నా వివాహ జీవితంలో చవిచూసిన చేదు జ్ఞాపకాలు. వారితో విడిపోయినప్పటికీ ఇప్పటికీ మేము మంచి ఫ్రెండ్స్గానే ఉన్నాం' అని వార్న్ పేర్కొన్నాడు.