ఐసీసీ హాల్ ఆఫ్ ఫేమ్‌లో ద్రవిడ్: సచిన్‌కు ఎందుకు ఇవ్వలేదంటే?

ఐసీసీ హాల్ ఆఫ్ ఫేమ్‌లో రాహుల్ ద్రవిడ్

2004లో ఐసీసీ క్రికెటర్‌ ఆఫ్‌ ద ఇయర్‌, టెస్ట్‌ ప్లేయర్‌ ఆఫ్‌ ద ఇయర్‌ పురస్కారాలను సైతం అందుకున్నాడు. గురువారం రాహుల్ ద్రవిడ్ పేరుని ఐసీసీ హాల్ ఆఫ్ ఫేమ్‌లో చేర్చడంపై తాజాగా 24 ఏళ్ల పాటు అంతర్జాతీయ క్రికెట్‌కు తన సేవలందించిన క్రికెట్ లెజెండ్ సచిన్ టెండూల్కర్ ఈ జాబితాలో ఎందుకు లేడనే చర్చ తెరపైకి వచ్చింది.

ఐసీసీ హాల్‌ ఆఫ్‌ ఫేమ్‌‌లోకి చేర్చాలంటే

అయితే, ఐసీసీ హాల్‌ ఆఫ్‌ ఫేమ్‌‌లో ఓ క్రికెటర్ పేరుని చేర్చాలంటే కొన్ని నిబంధనలు ఉన్నాయి. ఇందులో మొదటిది ఏదైనా మేజర్ ఫార్మాట్లలో ఆ ఆటగాడు 8000 పరుగులు లేదా 20కి పైగా సెంచరీలు చేసి ఉండాలి. అంతేకాదు ఆటగాడి యావరేజి కూడా 50కిపైగా ఉండాలి. ఈ నిబంధనకు ద్రవిడ్ సరిపోలడంతో అతడి పేరుని ఐసీసీ హాల్‌ ఆఫ్‌ ఫేమ్‌ జాబితాలో చేర్చారు.

అంతర్జాతీయ క్రికెట్‌లో 100 సెంచరీలు చేసిన సచిన్

అయితే, క్రికెట్ లెజెండ్ సచిన్ టెండూల్కర్ కూడా వన్డేల్లో 18,426 పరుగులు, టెస్టుల్లో 15,921 పరగులు చేశాడు. అంతేకాదు అంతర్జాతీయ క్రికెట్‌లో 100 సెంచరీలు చేసిన ఏకైక ఆటగాడు సచిన్ టెండూల్కరే కావడం విశేషం. అయితే, మరేందుకు సచిన్ పేరు ఐసీసీ హాల్‌ ఆఫ్‌ ఫేమ్‌ జాబితాలో చేర్చలేదనే సందేహాం అభిమానుల్లో వచ్చింది.

ఐదేళ్లు లేదా అంతకుమించి ఎక్కువ గ్యాప్

ఈ నిబంధనతో పాటు ఐసీసీ హాల్‌ ఆఫ్‌ ఫేమ్‌ జాబితాలో చేర్చాలంటే ఆ క్రికెటర్ అంతర్జాతీయ క్రికెట్‌కు వీడ్కోలు పలికి ఐదేళ్లు లేదా అంతకుమించి గ్యాప్ ఉండాలి. సచిన్ టెండూల్కర్ నవంబర్ 16, 2013లో అంతర్జాతీయ క్రికెట్‌కు గుడ్‌బై చెప్పాడు. దీంతో సచిన్ టెండూల్కర్ ఇంకా ఐదేళ్లు పూర్తి చేసుకోలేదు. దీంతో సచిన్ పేరుని ఐసీసీ హాల్‌ ఆఫ్‌ ఫేమ్‌ జాబితాలో చేర్చలేదు.