ప్రేమకి చిహ్నమైన తాజ్మహల్ ఎదుట ప్రపోజ్ చేశా
ఐపీఎల్కు రెండు నెలల ముందు నుంచే ఆమెకు ప్రపోజ్ చేయానలి ప్లాన్ చేసుకున్నా... అందుకోసం ఉంగరం కూడా తీసుకొచ్చా. తాజ్మహల్ వద్దే ప్రపోజ్ చేయాలని నిర్ణయించుకున్నానని ఏబీ తెలిపాడు. ప్రేమకి చిహ్నమైన తాజ్మహల్ ఎదుట తన భార్య డెనియల్ డివిలియర్స్కి 'నీతో నా జీవితాంతం జీవించాలని ఉంది, డెనియల్ నన్ను పెళ్లి చేసుకుంటావా' అని డివిలియర్స్ ప్రపోజ్ చేసినట్లు తెలిపాడు.
ఇక, తనకు మళ్లీ కొడుకు పుడితే తాజ్ అని పేరుపెడతానని
డివిలియర్స్ అన్నాడు. ‘నాకు మళ్లీ కొడుకు పుడితే ‘తాజ్' అని పేరుపెడతా. ఎందుకంటే నాకు భారత్, ఇక్కడ ఉన్న తాజ్మహల్ అంటే చాలా ఇష్టం. 2012 ఐపీఎల్ జరిగే సమయంలో నేను తాజ్మహల్ వద్దే డేనియల్లికి నా ప్రేమను వ్యక్త పరిచాను. 2013లో మా ఇద్దరికీ పెళ్లి అయ్యింది. 2015లో మాకు ఒక బాబు పుట్టాడు' అని డివిలియర్స్ పేర్కొన్నాడు.
డివిలియర్స్ దంపతులకు ఇద్దరు కుమారులు
ప్రస్తుతం డివిలియర్స్ దంపతులకు ఇద్దరు కుమారులు ఉన్నారు. ఏబీ డివిలియర్స్ జూనియర్ 2015లో జన్మించగా.. జాన్ రిచర్డ్ డివిలియర్స్ 2017లో జన్మించాడు. అయితే మూడో సంతానానికి తాజ్ అనే పేరు మనసుకు దగ్గరగా ఉంటుందని డివిలియర్స్ ఈ సందర్భంగా తెలిపాడు. అంతకుముందు ‘కర్ణాటక' అని పెడదామనుకున్నాను కానీ ‘తాజ్' పేరే బాగా నచ్చింది. ఇదే పెడతాను' అని డివిలియర్స్ అన్నాడు.
ఇండియా అంటే ప్రత్యేక అభిమానం
దక్షిణాఫ్రికాకు చెందిన చాలా మంది క్రికెటర్లకు ఇండియా అంటే ప్రత్యేక అభిమానం. ఆ అభిమానంతోనే ఆ దేశ మాజీ క్రికెటర్ జాంటీ రోడ్స్ తన కుమార్తెకు ‘ఇండియా' అని పేరు పెట్టుకున్న సంగతి తెలిసిందే. ప్రస్తుతం జాంటీ రోడ్స్ ఐపీఎల్లో ముంబై ఇండియన్స్ జట్టుకు ఫీల్డింగ్ కోచ్గా ఉన్నారు. ఖాళీ సమయాల్లో సందర్శించేందుకు కూడా జాంటీ రోడ్స్ భారత్కు వస్తుంటాడు.