కోహ్లీ కవర్ డ్రైవ్‌ని చప్పట్లతో అభినందించిన బంగ్లా బౌలర్ (వీడియో)

ఫ్లడ్‌లైట్ల వెలుతురులో

ఫ్లడ్‌లైట్ల వెలుతురులో ఆచితూచి ఆడుతూ పుజారాతో కలిసి మంచి భాగస్వామ్యం నెలకొల్పాడు. పుజారా(105 బంతుల్లో 55; 8 ఫోర్లు)తో కలిసి విరాట్ కోహ్లీ మూడో వికెట్‌కు 94 పరుగులు జోడించాడు. ఈ క్రమంలో బంగ్లా పేసర్ హుస్సేన్‌ బౌలింగ్‌లో చక్కని టైమింగ్‌తో క్లాసిక్‌ కవర్‌ డ్రైవ్‌తో బౌండరీ బాదిన తీరు అందరినీ ఆకట్టుకుంది.

బంగ్లా బౌలర్ సైతం చప్పట్లు

ఆ బంతి సంధించిన హుస్సేన్‌ సైతం విరాట్ కోహ్లీ కవర్ డ్రైవ్‌కు మంత్రముగ్ధుడవడంతో పాటు చప్పట్లతో అభినందించడం విశేషం. ఇందుకు సంబంధించిన వీడియో సోషల్ మీడియాలో వైరల్ అయింది. కాగా, తొలి రోజు ఆట ముగిసే సమయానికి టీమిండియా 3 వికెట్లు కోల్పోయి 174 పరుగులు చేసింది.

106 పరుగులకే బంగ్లా ఆలౌట్

ఈ మ్యాచ్‌లో టాస్ గెలిచి తొలుత బ్యాటింగ్ ఎంచుకున్న బంగ్లాదేశ్ భారత పేసర్లు ఇషాంత్ శర్మ (5/22), ఉమేశ్ యాదవ్ (3/29), షమీ (2/36) చెలరేగడంతో తొలి ఇన్నింగ్స్‌లో 106 పరుగులకే ఆలౌటైంది. అనంతరం మొదటి ఇన్నిగ్స్ ప్రారంభించిన టీమిండియాలో ఓపెనర్ రోహిత్ శర్మ(21), మయాంక్ అగర్వాల్(14)లు నిరాశ పరిచారు.