స్కూల్ పిల్లాడి మాదిరి: స్టీవ్ స్మిత్‌ను ఎవరైనా ఇలా రనౌట్ చేస్తారా? (వీడియో)

బంతిని ఒక చేతిలో ఉంచుకుని

కానీ, సందకన్ అందుకు భిన్నంగా బంతిని ఒక చేతిలో ఉంచుకుని మరొక చేతితో స్టంప్‌ను పైకి లేపాడు. దీంతో స్టీవ్ స్మిత్ రనౌట్ నుంచి బ్రతికిపోయాడు. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో నెటిజన్లు తమదైన శైలిలో కామెంట్లు పెడుతున్నారు.

మంచి ఛాన్స్‌ను మిస్‌ చేశాడు

"అయ్యో.. మంచి ఛాన్స్‌ను మిస్‌ చేశాడు!" అని ఓ నెటిజన్ కామెంట్ పెట్టగా... మరొక నెటిజన్ "ఒత్తిడికిలోనై గోల్డెన్ ఛాన్స్‌ని మిస్ చేసుకున్నాడు" అని కామెంట్ పెట్టాడు. కాగా, బ్రిస్బేన్ వేదికగా బుధవారం శ్రీలంకతో జరిగిన రెండో టీ20లో ఆస్ట్రేలియా తొమ్మిది వికెట్ల తేడాతో ఘన విజయం సాధించింది.

మరో మ్యాచ్ మిగిలుండగానే సిరిస్‌ కైవసం

ఫలితంగా మూడు టీ20ల సిరిస్‌ల మరో మ్యాచ్ మిగిలుండగానే సిరిస్‌ను కైవసం చేసుకుంది. ఈ సిరిస్‌లో చివరిదైన మూడో టీ20 మెల్ బోర్నీ వేదికగా శుక్రవారం జరగనుంది. 118 పరుగుల విజయ లక్ష్యంతో బరిలోకి దిగిన ఆస్ట్రేలియా వార్నర్(60 నాటౌట్), స్మిత్(53 నాటౌట్) హాఫ్ సెంచరీలతో చెలరేగడంతో మరో 42 బంతులు మిగిలుండగానే లక్ష్యాన్ని ఛేదించింది.

హాఫ్ సెంచరీలతో రాణించిన స్మిత్, వార్నర్

లక్ష్య ఛేదనకు దిగిన ఆస్ట్రేలియాను మలింగ ఆరంభంలోనే దెబ్బకొట్టాడు. ఓపెనర్ ఆరోన్ ఫించ్ డకౌట్‌గా పెవిలియన్‌కు చేరాడు. ఆ తర్వాత క్రీజులోకి వచ్చిన స్మిత్‌తో కలిసి వార్నర్‌ ఇన్నింగ్స్‌ను చక్కదిద్దాడు. అంతకముందు తొలుత బ్యాటింగ్‌ చేసిన శ్రీలంక 19 ఓవర్లలో 117 పరుగులకే కుప్పకూలింది. శ్రీలంక జట్టులో బ్యాట్స్‌మెన్‌ కుశాల్‌ పెరెరా (27), దనుష్క (21) మాత్రమే రెండంకెల స్కోరుని అందుకోగా మిగతా బ్యాట్స్‌మన్ పూర్తిగా నిరాశపరిచారు.

మెల్ బోర్నీ వేదికగా శుక్రవారం మూడో టీ20

ఆస్ట్రేలియా బౌలర్లలో బిల్లీ స్టాన్ లేక్, ప్యాట్ కమిన్స్‌, ఆస్టన్ ఆగర్, ఆడమ్ జంపా తలో రెండు వికెట్లు పడగొట్టారు. ఈ సిరిస్‌లో భాగంగా సిడ్నీ వేదికగా జరిగిన తొలి టీ20లో ఆస్ట్రేలియా 134 పరుగుల తేడాతో ఘన విజయం సాధించిన విషయం తెలిసిందే. తొలి టీ20లో ఓపెనర్ డేవిడ్ వార్నర్ సెంచరీతో చెలరేగిన సంగతి తెలిసిందే.