సోషల్ మీడియాలో వైరల్
ఇందుకు సంబంధించిన వీడియో ఇప్పుడు సోషల్ మీడియాలో వైరల్ అయింది. ఈ టీ10 లీగ్లో భాగంగా ఉమర్ అక్మల్ పంజాబీ లెజెండ్స్ జట్టుకు ప్రాతినిథ్యం వహిస్తుండగా మరాఠ అరేబియన్స్ జట్టు తరుపున కమ్రాన్ అక్మల్ ఆడుతున్నాడు. టోర్నీలో భాగంగా శుక్రవారం ఈ రెండు జట్ల మధ్య మ్యాచ్ జరిగింది.
స్పిన్నర్ రషీద్ ఖాన్ విసిరిన బంతిని
ఈ మ్యాచ్లో స్పిన్నర్ రషీద్ ఖాన్ విసిరిన బంతిని ఉమర్ అక్మల్ క్రీజు వెలుపలికి వచ్చి భారీ షాట్ ఆడేందుకు ప్రయత్నించాడు. అయితే, వైడ్గా వెళ్లిన బంతి అతనికి అందకుండా నేరుగా వికెట్ కీపర్ కమ్రాన్ అక్మల్ చేతుల్లోకి వెళ్తున్నట్లు కనిపించింది. ఈజీగా అందుకోవాల్సిన బంతిని అతడు అందుకోలేకపోయాడు.
|
తన సోదరుడ్ని రక్షించేందుకు ఇలా చేసినట్లు
అంతేకాదు స్టంపింగ్ను సైతం వదిలేశాడు. కమ్రాన్ కావాలనే తన సోదరుడ్ని రక్షించేందుకు ఇలా చేసినట్లు సోషల్ మీడియాలో పెద్ద ఎత్తున విమర్శలు వస్తున్నాయి. అయితే, ఆ తర్వాతి ఓవర్లో ఉమర్ అక్మల్(18 బంతుల్లో 31) పరుగుల వద్ద ఔటయ్యాడు. ఇదిలా ఉంటే, ఈ మ్యాచ్లో పంజాబీ లెజెండ్స్ 43 పరుగుల తేడాతో నెగ్గింది.
డకౌట్గా వెనుదిరిగిన కమ్రాన్ ఆక్మల్
టాస్ గెలిచి తొలుత బ్యాటింగ్ చేసిన పంజాబీ లెజెండ్స్ జట్టు నిర్ణీత ఓవర్లలో 121 పరుగులు చేసింది. అనంతరం 122 పరుగుల విజయ లక్ష్యంతో బరిలోకి దిగిన మరాఠ అరేబియన్స్ జట్టు నిర్ణీత 10 ఓవర్లలో 78 పరుగులు చేసి ఓటమిపాలైంది. క్రిస్ జోర్డాన్ బౌలింగ్లో కమ్రాన్ అక్మల్ డకౌట్గా వెనుదిరిగాడు.