ఒంటి చేత్తో క్యాచ్ పట్టి ఔరా అనిపించుకున్న పాండ్యా (వీడియో)

హైదరాబాద్: ఆరు వన్డేల సిరిస్‌లో భాగంగా పోర్ట్ ఎలిజబెత్ వేదికగా ఆతిథ్య దక్షిణాఫ్రికాతో జరిగిన ఐదో వన్డేలో కోహ్లీసేన 73 పరుగుల తేడాతో విజయం సాధించి 4-1తో సిరిస్‌ను సొంతం చేసుకున్న సంగతి తెలిసిందే. ఐదో వన్డేలో పాండ్యా పట్టిన ఓ క్యాచ్ మ్యాచ్‌కే హైలెట్‌గా నిలిచింది.

స్టేడియం బయటపడ్డ బంతి: రబాడ బౌలింగ్‌లో రోహిత్ శర్మ భారీ సిక్సర్ (వీడియో)

ఒంటి చేత్తో పాండ్యా పట్టిన క్యాచ్‌కి సంబంధించిన వీడియో ఇప్పుడు సోషల్ మీడియాలో వైరల్ అయింది. ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా నిర్ణీత 50 ఓవర్లలో 7 వికెట్లు కోల్పోయి 274 పరుగులు చేసింది. అనంతరం భారత్‌ నిర్దేశించిన లక్ష్యాన్ని ఛేదించడంలో దక్షిణాఫ్రికా ఆదిలోనే తడబడింది.

భారత మణికట్టు స్పిన్నర్లు కుల్దీప్‌, చాహల్‌లు మరోసారి అద్భుత ప్రదర్శన చేయడంతో 13 ఓవర్లకే 3 వికెట్లు కోల్పోయి సఫారీ జట్టు కష్టాల్లో పడింది. అయితే ఇన్నింగ్స్ 42వ ఓవర్లో కుల్దీప్‌ వేసిన ఐదో బంతిని ఎదుర్కొన్న సఫారీ బ్యాట్స్‌మన్ తాబ్రిజ్ షంసీ లాంగ్‌ ఆన్‌ మీదుగా గాల్లోకి లేపాడు.

సచిన్ నుంచి సెహ్వాగ్ వరకు: చరిత్ర సృష్టించిన కోహ్లీసేనపై ప్రశంసల వర్షం

బంతిని ఒడిసిపట్టుకునేందుకు పాండ్యా-ధావన్‌లు పరిగెత్తారు. బంతిని అందుకునే క్రమంలో వీరిద్దరూ ఒకరినిమరొకరు ఢీ కొనబోయారు. అయితే చివరకు ధావన్ వెనక్కి తగ్గి ఆ అవకాశాన్ని పాండ్యాకు ఇచ్చాడు. దీంతో పాండ్యా ఒంటి చేత్తో క్యాచ్‌ పట్టాడు. దీంతో భారత ఆటగాళ్లు ఒక్కసారిగా ఆనందంలో మునిగిపోయారు.

విరుచుకుపడుతున్న నెటిజన్లు: రోహిత్.. నీ సెంచరీ కోసం ఇంకెంత మందిని బలి చేస్తావ్?

క్యాచ్ పట్టిన అనంతరం పాండ్యా నవ్వుతూ 'అది నాదే' అని అన్నాడు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అయింది. ఇదిలా ఉంటే ఈ సిరిస్‌లో చివరిదైన ఆరో వన్డే శుక్రవారం సెంచూరియన్ వేదికగా జరగనుంది.

This video is absolutely gem.

• Kohli sledging & giving it back to Shamshi: Chest Pad? C'mon. You're wearing chest pad?

• One handed catch by Pandya

•Kohli slapping Pandya's ass

•Butt hurt baised Holding in commentary box pic.twitter.com/loAcdNsxzD

— dogu (@HusnKaHathiyar) February 14, 2018