Click it and Unblock the Notifications
పెద్దన్నలా సలహాలిచ్చాడు:
మ్యాచ్ అనంతరం తెలుగు క్రికెటర్ హనుమ విహారి మాట్లాడుతూ.. 'బ్యాటింగ్ చేసేటప్పుడు అశ్విన్ పెద్దన్నలా సలహాలిచ్చాడు. ధ్యాసంతా మ్యాచ్పైనే పెట్టాలని, వీలైనంతసేపు క్రీజులో పాతుకుపోవాలని సూచించాడు' అని తెలిపాడు. తామిద్దరం ఎప్పటికప్పుడు మాట్లాడుకుంటూ ఆడామని, ఈ ఇన్నింగ్స్ తమ ఇద్దరికీ ఎంతో ప్రత్యేకమని విహారి చెప్పాడు. విహారి మొదటి రెండు టెస్టుల్లో చెప్పుకోదగ్గ ఇన్నింగ్స్ ఆడలేదు. మూడు ఇన్నింగ్స్ల్లోనూ వరుసగా 16, 8, 21 పరుగులు మాత్రమే చేశాడు. ఇక సిడ్నీలో చివరి రోజు క్రీజులోకి వచ్చిన కొద్దిసేపటికే అతని తొడ కండరాలు పట్టేశాయి. దీంతో అతను క్రీజులో నిలవగలడా? అనే సందేహం కలిగింది. అయితే అన్ని సవాళ్ల మధ్య అమోఘంగా బ్యాటింగ్ చేశాడు.
డుప్లెసిస్ను స్ఫూర్తిగా తీసుకున్నా
ఆట పూర్తయ్యాక ఎలా స్పందించాలో తెలియలేదని ఆర్ అశ్విన్ పేర్కొన్నాడు. ఆ అనుభూతిని మాటల్లో వర్ణించలేనని చెప్పాడు. 'ఆదివారం రాత్రి నేను నిద్రపోయే ముందు చివరి రోజు వీలైనంత ఎక్కువ సేపు క్రీజులో ఉండాలని నిర్ణయించుకున్నా. దక్షిణాఫ్రికా స్టార్ బ్యాట్స్మన్ ఫాఫ్ డుప్లెసిస్ను స్ఫూర్తిగా తీసుకొని పట్టుదలగా బ్యాటింగ్ చేయాలని అనుకున్నా. అలానే ఆడాను' అని అశ్విన్ తెలిపాడు. అద్భుత ఇన్నింగ్స్ ఆడిన అశ్విన్, విహారిలను మాజీలు పొగడ్తలతో ముంచెత్తారు. అద్భుతంగా ఆడారని, టెస్టు ఎలా ఆడాలో నిరూపించారని ప్రశంశలతో ముంచెత్తారు.
ఆడు మామ ఆడు
అశ్విన్, విహారి ఆడుతున్న సమయంలో వారి ఏకాగ్రతని చెదరగొట్టేందుకు ఆస్ట్రేలియా టీమ్ చేయని ప్రయత్నం లేదు. విహారి చుట్టూ ఫీల్డర్లని మొహరించి వారితో స్లెడ్జింగ్ చేయించడమే కాకుండా.. కెప్టెన్ టిమ్ పైనీ కూడా వికెట్ల వెనుక నుంచి తరచూ నోరు జారుతూ కనిపించాడు. కానీ విహారికి చివరి వరకూ అశ్విన్ అండగా నిలిచాడు. విహారిలో ఉత్సాహం నింపేందుకు 'ఆడు మామ ఆడు' అంటూ తమిళ పాటని తెలుగులో ట్రాన్స్లేట్ చేసి మరీ మైదానంలో పాడుతూ కనిపించాడు. విహారితో ఇలా అశ్విన్ తెలుగులో మాట్లాడటం ఇదేమీ తొలిసారి కాదు. 2020 ఏప్రిల్లో లాక్డౌన్ సమయంలో విహారితో లైవ్ ఛాట్ చేసి అశ్విన్.. తనకి తెలుగు సినిమాలంటే భలే ఇష్టమని చెప్పుకొచ్చాడు.
సిడ్నీ టెస్ట్ హీరోలను.. టీమిండియా ఆటగాళ్లు ఎలా రిసీవ్ చేసుకున్నారో చూడండి (వీడియో)
Continue with Google