క్రిస్ గేల్ క్రేజీ డ్యాన్స్‌కు కొత్త పేరు పెట్టిన సెహ్వాగ్ (వీడియో)

గేల్ గెలుపు సంబరాలు ఎంతో ప్రత్యేకం

మ్యాచ్‌లో విజయం సాధించిన తర్వాత మైదానంలో గేల్ జరుపుకునే సంబరాలు ఎంతో ప్రత్యేకంగా ఉంటాయి. ఆ సెలెబ్రేషన్స్ చూసేందుకు అభిమానులు ఆతృతతో ఎదురుచూస్తారు. 2012లో వెస్టిండిస్ జట్టు వరల్డ్ కప్ ఫైనల్లో గెలిచిన సందర్భంలో గేల్ గంగ్నమ్ స్టైల్, ఛాంపియన్ పాటలపై డ్యాన్స్ చేసి అందరిని అలరించాడు.

గంగ్నమ్ స్టైల్‌తో ప్రపంచానికి కొత్త గేల్ పరిచయం

నిజానికి ఈ గంగ్నమ్ స్టైల్‌ను కనిపెట్టిన కొరియన్ సింగర్ కంటే కూడా క్రిస్ గేలే ఎంతో ఫేమస్ అయ్యాడనడన్న ఆశ్చర్య పోవాల్సిన పనిలేదు. కాగా, గతేడాది వరకూ ఐపీఎల్‌లో రాయల్ ఛాలెంజర్స్ బెంగళూరు జట్టు తరఫున ఆడిన గేల్‌ని ఈ ఏడాది వేలంలో కొనుగోలు చేసేందుకు ఆ జట్టు ఆసక్తి చూపలేదు.

రూ. 2 కోట్లకు గేల్‌ను సొంతం చేసుకున్న పంజాబ్

గేల్ కనీస ధర రూ. 2 కోట్లకు కింగ్స్ ఎలెవన్ పంజాబ్ జట్టు అతడిని వేలంలో సొంతం చేసుకుంది. ఇండియాకు వస్తున్నానంటూ ఓ పడవలో బాంగ్రా డ్యాన్స్ చేస్తున్న వీడియోని సోషల్‌మీడియాలో అభిమానులతో పంచుకున్నాడు. ఈ వీడియోపై పంజాబ్ జట్టు మెంటార్, డైరెక్టర్ సెహ్వాగ్ తనదైన శైలిలో సెటైర్ వేశాడు.

సెహ్వాగ్

ఓ ఫన్నీ డ్యాన్స్ వీడియోని తన ట్విట్టర్‌లో అభిమానులతో పంచుకున్న సెహ్వాగ్ అందులో గేల్‌ని ట్యాగ్ చేశాడు. అంతేకాదు.. గేల్‌కి సెహ్వాగ్ ‘క్రిసన్‌ప్రీత్ గిల్' అని కొత్త పేరుపెట్టారు. సెహ్వాగ్ పోస్టు చేసిన ఈ వీడియో ఇప్పుడు సోషల్ మీడియాలో వైరల్ అవుతోంది. ఏప్రిల్ 7వ తేదీ నుంచి ఐపీఎల్ 11వ సీజన్ ప్రారంభం కానుంది. పంజాబ్ తమ తొలి మ్యాచ్‌ని ఢిల్లీ డేర్ డెవిల్స్‌తో ఆడనుంది.