ఒక క్రికెటర్‌గా ఈ అనుభవాన్ని నేను కోరుకోను: స్మిత్, వార్నర్‌పై కోహ్లీ

భావోద్వేగానికి లోనైన స్టీవ్ స్మిత్

బాల్ టాంపరింగ్ ఉదంతం అనంతరం సిడ్నీలో నిర్వహించిన మీడియా సమావేశంలో స్మిత్ భావోద్వేగానికి లోనయ్యాడు. 'నేను ఎవరినీ నిందించడం లేదు. నేను ఆస్ట్రేలియా జట్టు కెప్టెన్‌ని. గత శనివారం ఏదైతే జరిగిందో అందుకు కెప్టెన్‌గా జరిగిన పరిణామాలకు నాదే పూర్తి బాధ్యత. నాయకుడిగా నేను పూర్తిగా విఫలం అయ్యా. ప్రపంచంలో అత్యుత్తమ ఆటల్లో క్రికెట్ ఒకటి. క్రికెట్ నా జీవితం, మళ్లీ అడుగుపెడతా. నన్ను క్షమించండి, నేను పూర్తిగా నాశమయ్యా. నిర్ణయం పేరిట నేను ఘోర తప్పిదం చేశాను. పైగా దానిని కప్పి పుచ్చుకునేందుకు నేను చేసిన ప్రయత్నాలు నాకు మరింత నష్టాన్ని కలిగించాయి. ఈ తప్పు నన్ను జీవితం వెంటాడుతుంది' అని అన్నాడు.

ఇది ఇతరులకు గుణపాఠం

'నాకు జరిగిన ఈ నష్టం వల్ల లాభం ఏదైనా ఉందా అంటే.. ఇది ఇతరులకు గుణపాఠం కావటమే. ఇది క్రీడా వ్యవస్థలో ఒక మార్పును తీసుకొస్తుందని ఆశిస్తున్నా. క్రికెట్‌ నా జీవితం. మైదానంలో మళ్లీ త్వరగా అడుగుపెట్టాలని కొరుకుంటున్నా. ఇలాంటి ప‌రిస్థితుల్లో త‌న త‌ల్లితండ్రుల‌ను చూడ‌డం ఇబ్బందిక‌రంగా ఉంద‌ని, మంచి వ్య‌క్తులు త‌ప్పులు చేస్తుంటార‌ని, కానీ తాను ఓ పెద్ద త‌ప్పు చేసిన‌ట్లు స్మిత్ అంగీక‌రించాడు. దీని ప‌ట్ల క్ష‌మాప‌ణ‌లు కోరుతున్న‌ట్లు స్మిత్ తెలిపాడు. త‌న నాయకత్వంలోని జట్టు వల్ల ఆస్ట్రేలియాకు జ‌రిగిన న‌ష్టం ప‌ట్ల క్ష‌మాప‌ణ‌లు చెబుతున్న‌ానని అన్నాడు.

సిడ్నీలో మాట్లాడుతూ

మరోవైపు డేవిడ్ వార్నర్ సైతం ఈ ఉదంతం అనంతరం సిడ్నీలో మాట్లాడుతూ 'క్రికెట్‌ను అమితంగా ప్రేమించే అభిమానులకు క్షమాపణలు తెలియజేస్తున్నా. క్రికెటర్‌గా నన్ను ఎంతగానో ప్రోత్సహించి నాకు మద్దతుగా నిలిచిన మీ అందరి నమ్మకాన్ని వమ్ము చేశాను. నన్ను క్షమించండి. మీరు తలదించుకునేలా ప్రవర్తించాను. నాకు కాస్త సమయం కావాలి. చేసిన తప్పుని సరిదిద్దుకునేందుకు, మీ నమ్మకాన్ని తిరిగి సంపాదించేందుకు. తమ నిర్ణయం పట్ల ప్రజాగ్రహం ఇంతగా ఉంటుందని అనుకోలేదు' అంటూ ఉబికి వస్తున్న కన్నీటి పర్యంతమయ్యాడు.

వార్నర్ కన్నీటి పర్యంతం

'మేము దేశం తలదించుకునేలా ప్రవర్తించాం. మేము తప్పుడు నిర్ణయం తీసుకున్నాం. అందులో నా పాత్ర కూడా ఉంది. మళ్లీ ఆస్ట్రేలియా ప్రజల మనసు చూరగొనేందుకు ఎంతో సమయం పడుతుంది. తర్వాత ఏం జరుగుతుందో చెప్పడం కష్టం. ప్రస్తుతానికి నా కుటుంబానికి తోడుగా ఉంటా. ఈరోజు నేను ఇక్కడ ఎందుకు ఉన్నానంటే... కేప్ టౌన్‌లో ఏ తప్పు అయితే జరిగిందో దానిని అంగీకరించేదుకే. అది క్షమించారని తప్పు. నేను మనస్ఫూర్తిగా క్షమాపణ కోరుతున్నా. ఆస్ట్రేలియా పబ్లిక్ గౌరవాన్ని తిరిగి పొందేందుకు ఏం చేయడానికి నేను సిద్ధమే' అని వార్నర్ కన్నీటి పర్యంతమయ్యాడు.