కోహ్లీ.. అనుష్కలు ఎలా ఉండాలో ముందుగానే చెప్పా: హర్భజన్

ఒకరి పరిస్థితిని మరొకరు అర్థం చేసుకుంటే

ఈ నేపథ్యంలోనే విరాట్‌, అనుష్కకు వైవాహిక జీవితానికి సంబంధించిన ఓ సలహా ఇచ్చానని చెప్పుకొచ్చాడు. ‘వైవాహిక జీవితంలో సమస్యలు కూడా తలెత్తుతుంటాయి. ఆ సమయంలో ఒకరికొకరు తోడుగా నిలవాలి. ఒకరి పరిస్థితిని మరొకరు అర్థంచేసుకోగలగాలి. అప్పుడే ఇద్దరి జీవితాలు మరింత మెరుగవుతాయి' అని సలహా ఇచ్చాడట.

విరుష్కా జోడీకి మాత్రమే కాదట

ఈ భజ్జీ సలహాలు విరుష్కా జోడీకి మాత్రమే కాదట. పాక్ క్రికెటర్‌ షోయబ్‌ మాలిక్‌, టెన్నిస్‌ క్రీడాకారిణి సానియా మీర్జాలకు, మాజీ క్రికెటర్‌ జహీర్‌ ఖాన్‌, బాలీవుడ్ నటి సాగరిక ఘట్గేకు కూడా ఉచిత సలహాలిచ్చేశాడట. అందరికీ ఒకే విధంగా కాదు. వారివారి వ్యక్తిత్వాలను బట్టి సూచనలు ఇచ్చాడట.

షోయబ్‌-సానియాలకు ఎక్కువ సమయం

షోయబ్‌-సానియాలకు ఒకరితో ఒకరు ఎక్కువ సమయం గడపితే మంచిదని చెప్పారట. జహీర్‌-సాగరికలకు మాత్రం కొంతకాలం ఒకరి నుంచి ఒకరు దూరంగా ఉంటేనే మంచిదంటూ చెప్పానని భజ్జీ చమత్కరించాడు.

ఆశించినంత మేర ఆకట్టుకోలేక

ఈ ఏడాది ఆరంభంలో చెన్నై సూపర్ కింగ్స్ తరపున ఐపీఎల్ మ్యాచ్‌లు ఆడిన భజ్జీ ఆశించినంత మేర ఆకట్టుకోలేకపోయాడు. పరుగులతో పాటు వికెట్లు కూడా తీయకపోవడంతో అతని ఐపీఎల్ కెరీర్ మున్ముందుకు ప్రశ్నార్థకంగా మారింది.