అలసిపోకుండా!: వార్నర్-బెయిర్ స్టో భాగస్వామ్యంపై సచిన్ ట్వీట్, వైరల్

ఐపీఎల్‌‌లో వార్నర్‌‌కు ఇది నాలుగో సెంచరీ

ఈ మ్యాచ్‌లో వార్నర్, బెయిర్ స్టో సెంచరీలు సాధించడంతో సొంతగడ్డపై వరుసగా సన్‌రైజర్స్ రెండో విజయాన్ని నమోదు చేసింది. ఐపీఎల్‌‌లో వార్నర్‌‌కు ఇది నాలుగో సెంచరీ కాగా... మూడు సెంచరీలు ఇదే మైదానంలో సాధించడం విశేషం. తాజా సెంచరీతో వార్నర్‌ ఈ సీజన్‌లో ఇప్పటివరకు అత్యధిక పరుగులు చేసి ఆరెంజ్‌ క్యాప్‌ అందుకున్నాడు.

బెయిర్‌ స్టో ఇదే తొలి ఐపీఎల్‌ సెంచరీ

మరోవైపు ఈ మ్యాచ్‌లో 114 పరుగులు చేసిన బెయిర్‌ స్టో ఇదే తొలి ఐపీఎల్‌ సెంచరీ. ఈ క్రమంలో ఐపీఎల్‌లో బెయిర్ స్టో ఓ అరుదైన రికార్డుని తన ఖాతాలో వేసుకున్నాడు. ఈ మ్యాచ్‌లో బెయిర్ స్టో 56 బంతుల్లో 12 ఫోర్లు, 7 సిక్సుల సాయంతో 114 పరుగులు చేశాడు. ఫలితంగా ఐపీఎల్‌లో సెంచరీ నమోదు చేసిన మూడవ ఇంగ్లాండ్ బ్యాట్స్‌మన్‌గా అరుదైన ఘనత సాధించాడు.

విజయ పరంపర కొనసాగిస్తామన్న లక్ష్మణ్

గతంలో ఐపీఎల్‌లో కెవిన్ పీటర్సన్(2012), బెన్ స్టోక్స్(2017)లో సెంచరీలను నమోదు చేశారు. మరోవైపు తమ ఆటగాళ్లు డేవిడ్‌ వార్నర్‌, బెయిర్‌ స్టోలు అద్భుతంగా బ్యాటింగ్‌ చేశారని, మహ్మద్‌ నబీ, సందీప్‌లు బౌలింగ్‌లో రాణించడంతో బెంగుళూరును తక్కువ స్కోరుకే పరిమితం చేయగలిగామని, సీరిస్‌ మొత్తం ఇలాగే విజయ పరంపర కొనసాగిస్తామని సన్‌రైజర్స్‌ మెంటార్ వీవీఎస్‌ లక్ష్మణ్‌ ట్వీట్ చేశాడు.