హైదరాబాద్: క్రికెట్ అభిమానులంతా 2019 వన్డే వరల్డ్కప్ కోసం ఎంతో ఆసక్తిగా ఎదురుచూస్తున్నారు. ఇప్పటికే ఈ వన్డే వరల్డ్కప్కు సంబంధించిన ప్రచార కార్యక్రమాలను వరల్డ్ కప్కు ఆతిథ్యమిస్తోన్న ఇంగ్లాండ్ ప్రారంభించింది. తాజగా 2019 వన్డే వరల్డ్కప్ ఎలా తయారుచేశారో తెలుపుతూ ఓ మేకింగ్ వీడియోను ఐసీసీ తన అధికారిక ట్విట్టర్లో పోస్టు చేసింది.
క్రికెట్ అభిమానులను అలరిస్తోన్న వరల్డ్కప్ ప్రమోషన్స్ (వీడియో)
వరల్డ్కప్ మేకింగ్తో పాటు, దాని కోసం పనిచేసిన సాంకేతిక నిపుణులను కూడా ఈ వీడియోలో పరిచయం చేశారు. ఈ వీడియో ఇప్పుడు సోషల్ మీడియాలో వైరల్ అయింది. అంతేకాదు క్రికెట్ అభిమానులను ఎంతగానో ఆకట్టుకుంటోంది. 2019లో జరగనున్న వన్డే వరల్డ్కప్లో పోటీకి దిగే 10 జట్లు ఇప్పటికే ఖరారైన సంగతి తెలిసిందే.
How do you actually make a trophy like the @cricketworldcup?
— ICC (@ICC) August 22, 2018
Ahead of the #CWCTrophyTour, here's a peek into its manufacture! 🏆 pic.twitter.com/M7QYWmrYm8
పది జట్లలో ఒక్కో జట్టు గ్రూప్ దశలో 9 మ్యాచ్లు ఆడాలి. గ్రూప్ దశ ముగిసిన తర్వాత టాప్-4లో నిలిచిన జట్ల మధ్య సెమీ ఫైనల్స్లో తలపడతాయి. సెమీస్లో విజయం సాధించిన రెండు జట్ల మధ్య ఫైనల్ పోరు జరగనుంది. ఈ వన్డే వరల్డ్కప్కు 10 నగరాలు ఆతిథ్యమిస్తోన్నాయి. మొత్తం 11 వేదికల్లో ఈ పోటీలు జరగనున్నాయి.
మరోవైపు వరల్డ్కప్ టోర్నీ షెడ్యూల్పై విమర్శలు వినిపిస్తున్నాయి. టైటిల్ నెగ్గాలంటే గ్రూప్ దశలో 9 మ్యాచ్లు ఆడాల్సి ఉండటంపై క్రికెట్ విశ్లేషకులు విమర్శలు గుప్పిస్తున్నారు. కాగా, ఈ వరల్డ్కప్ మే 30న లండన్ ఓవల్ స్టేడియంలో ప్రారంభమై జులై 14న లార్డ్స్ స్టేడియంలో ముగియనుంది.
Ahead of the #CWCTrophyTour, we're learning about how the @cricketworldcup trophy was made.
— ICC (@ICC) August 21, 2018
Meet David Bedford, the man who engraved the trophy. He talks us through an art that allows no room for error. pic.twitter.com/GODCqGygHN