గాయం నుంచి కోలుకునేందుకు
అయితే, ఈ గాయం నుంచి వార్నర్ పూర్తిగా కొలుకునేందుకు మరి కొన్ని రోజులు పట్టొచ్చు. బర్మింగ్ హామ్ వేదికగా జరిగే తొలి టెస్టులో డేవిడ్ వార్నర్ ఓపెనర్గా కీలకం కానున్నాడు. ఇటీవలే ముగిసిన వన్డే వరల్డ్కప్లో సైతం వార్నర్ అద్భుత ప్రదర్శన చేశాడు. ఆసీస్ జట్టు సెమీస్కు చేరుకోవడంలో వార్నర్దే కీలకపాత్ర.
ప్రపంచకప్లో రెండో అత్యధిక పరుగులు
ప్రపంచకప్లో మొత్తం 10 ఇన్నింగ్స్లు ఆడిన డేవిడ్ వార్నర్ 647 పరుగులు చేశాడు. ఇందులో 3 సెంచరీలు ఉన్నాయి. అంతేకాదు ఈ ప్రపంచకప్లో డేవిడ్ వార్నర్ రెండో ఆత్యధిక పరుగులు చేసిన ఆటగాడిగా నిలిచాడు. ఆస్ట్రేలియా-ఇంగ్లాండ్ జట్ల మధ్య ఇప్పటివరకు మొత్తం 70 యాషెస్ సిరీస్లు జరిగితే.. అందులో 33 సార్లు ఆస్ట్రేలియా విజేతగా నిలిచింది.
ఐదు సిరీస్లు డ్రాగా
ఇక, ఇంగ్లాండ్ 32 సార్లు విజయం సాధించింది. ఐదు సిరీస్లు డ్రాగా ముగిశాయి. ఇక, ఇంగ్లీషు గడ్డపై ఆస్ట్రేలియా యాషెస్ సిరిస్ నెగ్గి సరిగ్గా 18 ఏళ్లవుతోంది. 2001లో స్టీవ్ వా నాయకత్వంలోని ఆస్ట్రేలియా జట్టు 4-1తో ట్రోఫీని నెగ్గిన ఆస్ట్రేలియా ఆ తర్వాత ఇప్పటివరకు ఇంగ్లాండ్లో యాషెస్ టెస్టు సిరీస్ గెలవలేదు. ఆ తర్వాత 9 యాషెస్లు జరగ్గా ఇంగ్లాండ్ నాలుగు సిరీస్లకు ఆతిథ్యమిచ్చింది.
ఆస్ట్రేలియా నాలుగింట విజయం
అందులో సొంతగడ్డపై జరిగిన ఐదు యాషెస్ సిరీస్ల్లో ఆస్ట్రేలియా నాలుగింట విజయం సాధించి ఒకటి దాంట్లో ఓడిపోయింది. అయితే, ఈసారి యాషెస్ కాస్త భిన్నంగా జరుగుతోంది. సంప్రదాయ టెస్టు క్రికెట్ను అభిమానులకు మరింతగా చేరువ చేసేందుకు గాను ఐసీసీ ప్రవేశ పెట్టిన టెస్టు ఛాంపియన్షిప్ ఈ సిరీస్తోనే మొదలవుతుండటం విశేషం.
యాషెస్ సిరిస్తో ఐసీసీ టెస్టు ఛాంపియన్షిప్
ఈ ఐసీసీ టెస్టు ఛాంపియన్షిప్లో మొత్తం 9 జట్లు పోటీలో పాల్గొంటాయి. రెండేళ్లలో 71 మ్యాచులు, 27 సిరీస్లు జరుగుతాయి. చివరిగా తొలి రెండు స్థానాల్లో నిలిచిన జట్లు ఇంగ్లాండ్ వేదికగా 2021, జూన్న జరగనున్న పైనల్లో తలపడతాయి. 1989-2003 మధ్య కాలంలో జరిగిన ఎనిమిది యాషెస్ సిరీస్ల్లో ఆస్ట్రేలియా వరుస విజయాల పరంపరను కొనసాగించింది.